Элдор Суюнов: "Футбол кутилмаган натижалари билан қизиқ"

"Ўйиндан олдин қайсидир жамоани фаворит ҳисобланиши нормал ҳолат. Лекин, футбол шунақа кутилмаган натижалари билан қизиқ. Баҳсга келадиган бўлсак, биз ўз ўйинимизни кўрсата олмадик. Бунга албатта АГМК жамоасининг бизга кўрсатган муносиб қаршилиги сабаб бўлди.

Ҳа, нима учундир иккинчи бўлимдаги ҳужумкор ўйинни биринчи бўлимда рақибга ўтказа олмадик. Лекин, биз юқори марраларни забт этишни истасак ўйинни бу қадар бўш бошламаслгимиз керак. Мураббийларимиз мазкур беллашувни таҳлил қилиб хато ва камчиликларимизни кўрсатишади. Биз эса мақсадимиз йўлида дадил қадам ташлашда давом этишимиз лозим. Чунки, мухлислар биздан ички чемпионатда ва халқаро майдонда яхши натижаларни кутишмоқда. Уларни ишончини сўндирмаслигимиз керак.

АГМК жамоасидан қандай ўзгаришларни сездим? Рақиб сафидаги ўзгаришларни турнир жадвали кўрсатиб турибди",- дейди Элдор Суюнов.