Элдор Сакаев: «Андижон халқини хурсанд қилганимиздан жуда мамнунмиз»

 - Биз бу ўйинга яхши тайёрлангандик. Учрашувда режаларимизни амалга ошира олдик. Андижонлик мухлисларни эса алоҳида айтишни истардим. Чунки уларнинг олқишлаб туриши бизга катта мадад берди. Футболчиларимиз ҳам бунга яраша майдонда катта иштиёқ билан ўйнадилар. Йигитлар ғалаба учун бор кучлари билан охиригача курашишди. Учрашув учун олдиндан ишлаб чиққан режаларимизни футболчиларимиз муваффақиятли тарзда бажара олишди. Бизни қўллаб-қувватлаб турган мухлисларга миннатдорчилик билдираман. Шу ўринда ўйинчиларимизга ҳам жонбозлик кўрсатишгани учун раҳмат. Биз бу ғалаба орқали Андижон халқини хурсанд қилганимиздан жуда мамнунмиз. Ҳар доим ишқибозларимизни мана шундай ғалабалар билан хурсанд қилиш учун ҳаракат қиламиз. 

Албатта, “Машъал” ҳам яхши жамоа. Улар ўтган йили олий лигада 7-ўринни эгаллашган. Рақиб жиддий бўлишига қарамай, шогирдларим бутун эътиборини ғалаба қозонишга қаратишди ва бунинг учун меҳнат қилдилар. Кўрсатмаларимизни тўғри йўналишда бажара олишгани учун ҳам ғалаба қозона олдик.