UZ

Сўнгги янгиликлар

14:49Расман: "Нефтчи" Ўзбекистон терма жамоасида ўйнаган 4 нафар футболчини ПФЛда рўйхатдан ўтказди  1 14:10Интервью. Умар Эшмуродов - "Насаф", чемпионлик, Катанец ва Черан ҳақида  1 13:39Бобур Абдураҳмонов: "Болалар мураббийларини энг кўп қийнаётган муаммо - майдонлар камлиги"  1 13:35ФИФА 2025 йил учун футзал, соҳил футболи, фитнесс ҳамда футбол ҳакамлари техник инструкторлари рўйхатини эълон қилди  0 12:59"Челси" Англия терма жамоаси ҳимоячисини сотиб олмоқчи  3 12:402031 йилги Осиё кубоги мезбонлигига яна қайси мамлакатлар даъвогар?  10 12:15Ўзбекистон U-16 терма жамоаси бугун Тошкентда йиғин бошлайди  1 11:54МЮ раҳбарияти пул тежашнинг янги усулини топди  8 11:29Флик Ла Лиганинг февраль ойидаги "Энг яхши мураббийи" деб тан олинди  9 10:53Бугун Ўзбекистонда трансфер ойнаси ёпилади. Жамоаларда амалга ошаётган трансферлар барчаси битта саҳифада  11 10:22«Шўртан» «Пахтакор» тарбияланувчиси билан шартнома тузди  2 09:50Шомуродов «Рома» сафида энг яхши натижани қайд этмоқда  7 09:22Ўртоқлик учрашуви. «Қалдирғочлар» навбатдаги ғалабасини қўлга киритди  0 08:56Клаудио Раньери навбатдаги ғалабадан сўнг нималар деди?  5 08:28Ўзбекистон футзал терма жамоасининг яна бир аъзоси легионерга айланди  0

"Эль Класико"дан кўчирма, ретро трансляция ва ҳақ бўлган Бабаян. Наманганда бўлиб ўтган "Навбаҳор" – "Пахтакор" тўқнашуви ҳақида (Бекзод Толибов блоги) Янгиликлар

"Эль Класико"дан кўчирма, ретро трансляция ва ҳақ бўлган Бабаян. Наманганда бўлиб ўтган "Навбаҳор" – "Пахтакор" тўқнашуви ҳақида (Бекзод Толибов блоги)

Кеча Ўзбекистон Суперлигасининг барча мавсумларида иштирок этиб келаётган икки принципиал рақиблар тўқнашуви гувоҳига айландик.

"Навбаҳор" ва "Пахтакор" жамоалари ўртасидаги ўйинлар ҳар доим ҳам қизиқ ўтган. Бу қарама-қаршилик сўнгги йилларда ўзининг янада авж палласига чиқди. Нафақат Наманганда ёки Тошкентда, шунақа ўйин борлигидан эшитиб қолган ўзбек футболидан хабардор ҳар ким бу тўқнашувни интиқ кутади. Бу жамоалар тўқнаш келганида принципиал қарама-қаршилик майдонда ҳам, трибуналарда ҳам давом этади. Футболчилару-мухлислар ўзаро рақиб, шунчаки тинч ўтмайдиган, чемпионат доирасидаги одатий ўйин каби сокин ўтиши гўё мумкин бўлмагандек тўқнашув. Кечагиси аввалгиларига қараганда дўстона кайфиятда ўтгандек кўринди, фақат мезбон жамоа мухлислари "Пахтакор" вакиллари ўтирган трибунага турли буюмлар улоқтиришгани билангина ёдда қолди.

Ўйин ҳақида тўлиқ тўхталмоқчи эмасман. Кўрдингиз, дастлаб Алижоновнинг моҳирона узатмасидан сўнг қаердандир жарима майдони ичкарисида пайдо бўлиб қолган Драган Черан бош билан зарба йўллаб, ҳисобни очди. "Пахтакор" иккинчи голни ҳам бош билан йўлланган зарбадан кейин урди, бу вазиятда ёш футболчи Муҳаммадқодир Ҳамралиев тажрибали ҳужумчилар каби аниқ ҳаракат қилди. "Навбаҳор"нинг жавоби иккинчи бўлимга тўғри келди. Жарима майдони ичида юзага келган "талатўп"дан сўнг грузиялик Тома катта саҳнага чиқди, гол урди ва ҳисобни қисқартирди. Ўйин давомида Табатадзе дубль қайд этиши ҳам мумкин эди, бироқ унинг иккинчи бўлим сўнгида бош билан йўллаган зарбаси дарвоза тўсинига тегиб, майдонга қайтди.

Самвел Бабаян ўйинни 4-5-1 тактик схемаси билан бошлади, Остон Ўрунов биринчи бўлимнинг ўзидаёқ мажбуран алмаштирилганида ҳам бу услуб ўзгармади. Ярим ҳимоячи амплуасида ўйнайдиган Дониёр Абдуманнопов Остоннинг ўрнига туширилди ва наманганликларнинг ўйинга танлаган услубига ўзгартириш киритилмади. Натижадан келиб чиқиб иккинчи бўлимда Темурхўжа Абдухолиқов майдонга туширилди, бунда тактик схема 4-4-2 кўринишига ўзгарди.

"Пахтакор" ҳам айни "Навбаҳор" танлаган тактик схемадан фойдаланди, бироқ 4-5-1 услуби Черан ёки Турғунбоев олдинга чиққанида вақти-вақти билан 4-4-2 кўринишига ўзгариб турди. Бироқ Камолиддин Тожиевнинг ўйин давомида қўллаган алмаштиришлари ҳам позицион жиҳатдан тактик схемага ўзгартириш киритмади. Саитов ўрнига Файзиев, Банашак ўрнига Холдорхонов, булар бир хил амплуада ўйнайдиган футболчилар ҳисобланади.

Самвел Бабаян ўйиндан кейинги матбуот анжуманида ҳақ гапни айтди. Драган Черан ҳозирги "Пахтакор"нинг ҳар бир ғалабали натижасида катта ҳажмдаги ишни бажаряпти. Черан бор бўлса, ғалаба бор, акси бўлса, Про лига клуби ҳам бир бўлимнинг ўзида "Пахтакор" дарвозасига 3 та тўп киритиб қўйишни уддалаяпти. Кеча Алижонов қанотдан тўп узатган вақтда Драган гўё орқароқда қолиб кетгандек эди, ҳеч ундан хавф кутмаётганди. Аслида Чераннинг мақсади шундай эди, бирдан олдинга интилди, жарима майдони ичида пайдо бўлди, гол урди ва "Пахтакор"ни ҳисобда олдинга олиб чиқди. Майдонда ўта аниқлик билан ҳаракат қиладиган ноёб топилма.

Кечаги ўйинда мен "Реал Мадрид" ва "Барселона"нинг "Эль-Класико" аталмиш бутун дунёга машҳур қаршилигидан иқтибос кўрдим. Ўша Гарет Бэйл майдон ташқарисидан югуриб, каталонияликлар ҳимоячиси Марк Бартрани ортда қолдириб кетган вазиятни эслайсизми? Яна ўша Драган Черанни эътироф этамиз, кеча у иккинчи бўлимнинг сўнги қисмида айни шу вазиятнинг copy/paste вариантини кўрсатди. Драган тўпни тепиб юбориб, чизиқ ташқарисидан югурди, мезбонлар ҳимоячиси Филип Ивановични ортда қолдирди. Бироқ ҳозирги Черанда Бэйл каби тезлик йўқ, айни шу сабаб туфайли охири ўхшамай қолди.

"Навбаҳор" – "Пахтакор" тўқнашувини ТВ орқали кўрдим. Учрашувнинг иккинчи бўлимидаги трансляция сифати менга болалик даврларимни ёдга солиб юборди. Ўша вақтлари шамол келган куни телевизор томоша қилишга қийналардик. Антенна шамолда тебраниши натижасида ТВдан ҳар хил овозлар чиқарди. Кеча дуппа-дуруст давом этиб турган трансляция иккинчи таймда бирдан "айниб қолди".

Дастлаб фақат бизнинг телевизорда шунақами деб қўшнидан сўраб чиқдим. Йўқ, ҳаммада шу гап экан. Кичкина ўғлим ўз тасаввурида Хайрулла Ҳамидовни айблади, чунки ўйиннинг биринчи бўлимида бизда бунақа муаммо йўқ эди-да. Ўзи Хайрулла ака футбол шарҳлаганида, антиқа нимадир иқтибос аниқ айтарди ва бу жуда қизиқарли бўларди. Тушундик, водийдан МТРК марказига узатилаётган сигнал билан боғлиқ муаммо бор экан, навбатдаги ўйинларда бу каби холатлар юзага келмаслигига умид қиламиз.


Бекзод Толибов

Рейтинг: +5   

Фикрлар

championat.asia
< сўнгги янгиликларни кўриш
Яндекс.Метрика