“Бухоро” жамоаси билан бўлган кубок баҳсида яна бир ёш Қўқонлик футболчи Достлн Мелиқўзиев олий лигадаги дебютини ўтказди. Биз ўйин якунлангач ёш ҳужумчини дастлабки ўйинидан олган таассуротларини сўрадик.
- Аввало барча мухлисларимизни Рамазон ҳайити билан табриклайман. Бош мураббийимиз Нўьмон Хасановга менга ишонч билдирганлари учун миннатдорчилик билдираман. “Бухоро” таркибида анча номдор футболчилар бор. Албатта катта тажрибали ва номдор футболчилар билан бирга майдонда ҳаракат қилиш менга завқ берди. Ўз устимда тинмай ишлаб , мурраббий ва мухлисларимиз меҳрини қозонишга ҳаракат қиламан.
Илк ўйинимда ғалаба қозонишимизни жудаям ҳоҳлаган эдим. Бироқ бизга озгина омад етишмади. Лекин бизда ҳали кубок ўйинларида ярим финалга чиқиш имконияти сақланиб турибди. Албатта жавоб баҳси янада қизиқарли бўлади - дейди Достон Мелиқўзиев.
"Қўқон-1912" матбуот хизмати
