"Динамо" назорат баҳсида Тожикистон клубини йирик ҳисобда ютди, Станоевич бурчак зарбасидан гол урди

Вадим Абрамов шогирдлари бугун, 10 февраль куни назорат ўйинида Тожикистоннинг "Регар ТадАЗ" жамоасига қарши майдонда саф тортиб, рақибдан йирик – 4:0 ҳисобида устун келди.

5-дақиқада Станоевич бурчак зарбасидан рақиб дарвозасини ишғол этган бўлса (ВИДЕО), бўлим якунида Ҳожимирзаевнинг узатмасини Қодирқулов голга айлантирди. Иккинчи бўлимда эса Анварнинг ўзи ҳисобни йириклаштирди, кўп ўтмай кўрикдаги Абдулаҳаджон Ҳошимов тўртинчи голига муаллифлик қилди – 4:0.

"Динамо" – "Регар-ТадАЗ" (Тожикистон) 4:0

Тошкент. Одил Аҳмедов академияси майдони

Голлар: Марко Станоевич 5', Санжар Қодирқулов 43', Анвар Ҳожимирзаев 67', Абдулаҳаджон Ҳошимов 75'

"Динамо": Равшанбек Ягудин, Жаҳонгир Ўрозов, Олександр Кучеренко, Мақсудхўжа Аълохўжаев, Салим Мустафоев, Дуглас Майкон, Ратиньо, Марко Станоевич, Санжар Қодирқулов, Анвар Ҳожимирзаев, Миржаҳон Мираҳмадов.

Захирадан майдонга тушганлар: Неманов, Абдуллаев, Жумабоев, Абдураҳмонов, Сафаров, Ҳошимов