Дилшод Нуралиев: "Вилоятларда болалар футболини кучайтириш керак"

- "Болалар футболи савиясини кўтаришимиз керак. Барибир бизда турли жойларда болалар футболига бўлган эътиборни оширмаса бўлмайди. Бу ҳолат кеча ё бугун бошлангани йўқ. Бу мавзу биз учун оғриқли бўлиб қоляпти. Терма жамоага номзод футболчиларни чақириб маълум муддат йиғинлар ташкил қиламиз, кейин улар яна ўз мактабларига кетишади. Улар ўз мактабларида қандай билим олишяпти? Мураббийлари нимани ўргатмоқда? Барибир бу ҳам бир сабаб ҳисобланади", - дейди Нуралиев. 

Хабарингиз бор, Дилшод Нуралиев бошчилигида ўсмирлар терма жамоамиз саралаш босқичида учинчи ўринни эгаллаб келаси йил ўтказиладиган Осиё чемпионатига йўлланмани қўлга кирита олмади. Натижада ЎФФ қарорига кўра бош мураббий эгаллаб турган лавозимидан бўшатилди.