Дилшод Нуралиев: "2014 йил "Пахтакор"да ишлайман"

"Пахтакор" клуби раҳбарияти билан оғзаки келишувга эришдик. Унга кўра ҳар қандай ҳолатда ҳам 2014 йилги мавсумда шу клубда ишлайман. Мен ёшлар жамоаси ёки биринчи лигадаги "Пахтакор"-2 клубида фаолият олиб бораман. Ўзимга қолса, биринчи лигадаги жамоага устозлик қилган бўлардим. Мустақил ишлаш барибир бошқача.

25 декабрдан ўқув-йиғинимиз бошланди. Машғулотларда 30-35 нафар ёш футболчилар "Пахтакор" стадиони югуриш йўлакчасида шуғулланишяпти. 4 январь куни бу футболчилар қайси жамоада ҳаракат қилишлари ҳал бўлади. Айнан шу куни менинг ҳам қайси мусобақада иштирок этадиган жамоага мураббий бўлишми маълум бўлади", - дейди Дилшод Нуралиев "CA"га берган интервьюсида.