Диего Симеоне "Челси"га қарши ўйин Мадриддан Бухарестга кўчирилгани ҳақида: "Исталган жойда ва хоҳлаган пайтда, муаммо йўқ"
15 фев 2021 09:22
Янгиликлар

Диего Симеоне "Челси"га қарши ўйин Мадриддан Бухарестга кўчирилгани ҳақида: "Исталган жойда ва хоҳлаган пайтда, муаммо йўқ"

"Атлетико" бош мураббийи Диего Симеоне ЧЛ 1/8 финал доирасидаги "Челси"га қарши ўйин ҳақида фикр билдирди.

Дастлаб, илк ўйин мадридликларнинг уй стадиони "Ванда Метрополитано"да бўлиб ўтиши режалаштирилган эди, аммо Англиядаги коронавирус билан боғлиқ вазиятлар сабаб ўйин Бухарестга кўчирилди.

Энг қизиғи, жавоб ўйини "Стэмфорд Бриж"да ўтказилади ва бу инглиз клубига ёрдам беради. Диего Симеонега ҳам бу ҳақда савол берилди.

"Мен бу ҳақда [ўйин ўтадиган жой] фикр билдириш муҳим эмас деб ўйлайман, чунки биз айтадиган фикр ҳақиқатга таъсир қилмайди.
Ижтимоий нуқтаи назаридан глобал масштабда қийин вақтларда яшаяпмиз.
Тайёрланамиз ва боридан ҳузур оламиз. Исталган жойда ва жоҳлаган пайтда ўйнаймиз, муаммо йўқ".

Тухель "Атлетико"га қарши ўйин Мадриддан Бухаресга кўчирилгани ҳақида: "Уларнинг ҳис-туйғуларини тушунаман"

Ҳавола :

Манба : si.com

Янгиликларни Телеграмда ўқинг!

Рейтинг: +14