Диего Марадона: “Агар Месси бўлмаганида, дунё Аргентинага ҳурматни йўқотиб қўярди”
11 фев 2018 09:04
Янгиликлар

Диего Марадона: “Агар Месси бўлмаганида, дунё Аргентинага ҳурматни йўқотиб қўярди”

Футбол афсонаси Диего Марадона бугунги Аргентина терма жамоаси ҳақида фикр билдирди.

Марадонанинг сўзларига қараганда, дунё футбол оммаси биргина Лионель Месси сабаб Аргентина терма жамоасига нисбатан ҳурматни сақлаб турибди.

“Мени ҳавотирга солаётган ҳолат шундаки, Аргентина терма жамоасидан ортиқ қўрқмай қўйишди. Ҳозир Мессини инобатга олмаганда, ҳеч ким Аргентинага аввалгидек ҳадик билан қарамаяпти.

Фикримча, Аргентина терма жамоасининг ЖЧ-2018да чемпион бўлиш имконияти 60 фоиздан ошиқ эмас. Бу ҳам бўлса Мессининг мундиал пайтидаги спорт формасига боғлиқ. Сампаолини мен мураббий сифатида тан олмайман”, - деди Марадона.