Диего Коста туғилган шаҳарчасида футбол академияси очди

"Бу лойиҳани ўз агентим ёрдами билан бошладим ва мақсадим қачонлардир мен учун ёпиқ бўлган эшикни болалар учун очиш. Мен кўчаларда қолиб кетган болаларга ёрдам бермоқчиман. Академия уларга янги ҳаёт бағишлайди. Лагарту - кичик шаҳарча ва бу академия шаҳарнинг ривожланишига ўзининг кичик ҳиссасини қўшади.

Академияда профессионаллар ишлайди. Болаларда овқат, тиббий хизмат, яхши ҳаёт тарзи бўлади. Мураббийлар доимо ёрдамга тайёр. Профессионал футболчи бўла олмаган болалар, шунчаки яхши инсонга айланишади. Академиям борлигидан хурсандман" - дейди футболчи.