Испан жамоаси ҳимоячиси Диего Карлос ўйиннинг 3-дақиқасида жарима майдончаси ичида Ромелу Лукакуни тўхтатди.
Данни Маккели эса пенальти белгилади ва Лукакунинг ўзи 11 метрли нуқтадан гол урди.
27 ёшли Карлоснинг қўпполликларидан сўнг "Севилья" дарвозаси томон кетма-кет учинчи ўйинда ҳам пенальти белгиланди - бунга қадар у МЮ (2:1, ярим финал) ва "Вулверхэмптон" (1:0, чорак финал)га қарши ўйинда қоидани бузганди.
Аммо, "Севилья" ҳимоячиси ўйиндаги ҳал қилувчи голни урди ва ўйиндан кейинги йиғидан ўзини тўхтата олмади.
