UZ

Сўнгги янгиликлар

02:35Асрор Алиқулов: "Рақибда 65-70 дақиқалардан сўнг бўшлиқлар пайдо бўлишини кутгандик"  1 02:14Анвар Бердиев: "Ўйин битта голгача бўлди, уни эса "Машъал" урди"  2 02:00Ла Лига. "Атлетико" меҳмонда 90+3 дақиқада тўп ўтказиб юборган ҳолда аутсайдерлардан бирига мағлуб бўлди  7 01:38А Серия. Шомуродовнинг голи "Рома"га "Верона" устидан ғалабани тақдим этди  34 01:36"Насаф" "Жар"да "Бухоро"ни мағлуб этган ўйиндан ФОТОГАЛЕРЕЯ  0 01:25Лига 1. ПСЖ яна ғалаба қозонди. Жамоа 29 ўйиндан буён мағлуб бўлмаяпти (+жадвал)   1 00:50Суперлига. "Пахтакор" йирик, "Насаф" ишончли, "Машъал" эса минимал ҳисобда ғалаба қозонди  0 00:10"Бавария" Бундеслиганинг охирги ўринларида бораётган жамоа устидан йирик ғалабани қўлга киритди  0 00:03Виталий Левченко: "Рақиб бизни мағлуб этгани йўқ, биз ўзимиз ўйинни ютқазиб қўйдик..."  11 23:30Рўзиқул Бердиев: "Ғалабага муносиб ўйин кўрсатдик, Черанга ишонишда давом этамиз"  2 23:23Педру Морейра: "Мендан хафа бўлмайсизлар, бугунги саволларингизга жавоб бера олмайман"  10 22:17Суперлига. "Пахтакор" сафарда "Нефтчи"ни тор-мор этди  227 21:40"Ливерпуль" Дарвин Нуньес бўйича қарор қабул қилди  5 21:19Ла Лига. "Барселона" еттита гол урилган ўйинда камбэк эвазига "Сельта"ни мағлуб этди  139 21:08Бердиевнинг захира кучлари иш берди. "Бухоро" - "Насаф" 1:3  43

Денис Коростиченко: "Футболчиларим ўзларини ўйинга баҳш эта олишди" Янгиликлар

Денис Коростиченко: "Футболчиларим ўзларини ўйинга баҳш эта олишди"

Суперлиганинг 14-тури доирасида "Қизилқум"га қарши баҳсдан кейин "Локомотив" бош мураббийи Денис Коростиченко ўз фикрларини билдириб ўтди.




- Барча мухлисларни, клубдагиларни ғалаба билан табриклайман. Муҳим бўлган уч очкони қўлга киритдик. Ўйин кутилганидек қийин ўтди. Биринчи бўлимни биз тўлиқ назорат қилдик. Тўп учун яхши курашдик, бизда устунлик бор эди. Иккинчи бўлимда эса тажрибали футболчилари бор "Қизилқум" темп қўша олди. Шу сабабли баъзи вақтларда ҳимояланишга ҳам тўғри келди. Йигитларимга раҳмат айтаман. Бугун улар ўзларини ўйинга баҳш эта олишди. Барчаси юқори даражада бўлди. Ҳаракат қилишди, курашишди, сабр қилишди. Ва мана шу сабр уларга ғалаба келтирди. Барчани яна бир бор ғалаба билан табриклайман. Клубдаги барча ишчилар ҳам бу йўлда катта меҳнат қилишди. Бугунги қўллаб-қувватлов учун эса мухлисларга катта раҳмат. Улар доимо бизга далда бўлиб туришди. Барчаси яхши бўлишига ишонаман.

- Жасур Жалолиддиновнинг ўйинини қандай баҳолайсиз?

- У биринчи бўлимни яхши ўтказди. Айрим вазиятларда у рақиб тактикасини бузиб ташлади. Шу сабабли иккинчи бўлимда унга қарши зич ўйнашди. Рақиб Жасурга ўз ярим майдонида тўп бермасликка ҳаракат қилди. Шу боисдан биз яна қанотлар билан ўйнашга ҳаракат қилдик ва ҳимояни кучайтирдик. Бундай пайтда Жасур бошқа пайтдагидан кўра унчалик хавфли бўлмайди. Шунда ҳам у кўп бора яхши паслар амалга ошириб берди. Унинг ўйинидан қониқдим. Бироқ у ҳали яна қўшиши керак.

- Мухлисдан келган савол: нега "Локомотив" футболчилари узоқдан жуда кам зарба беришади?

- Менимча ҳозир ҳамма жамоалар ҳам узоқдан зарба бермаяпти. Машғулотларда биз футболчиларга узоқдан зарба бермаслик керак деб айтмаймиз. Машғулотларда бу борада кўп ишлаймиз. Ўйиндан олдинги кўрсатмаларда ҳам имконият бўлса тепиш кераклигини тушунтирамиз. 30 метр бўлса ҳам, 15 метр бўлса ҳам. Зарба берилмаяптими, демак имконият бўлмаяпти. Ҳа, тепса бўлади. Масалан зарба берилса, ҳимоячи тўпга блок қўйса, қарши ҳужум бўлиб кетиши мумкин. Шу сабабли йигитлар ҳам хато қилмасликни исташади. Футболчилар яхши ҳудуда бўлса тепишади, албатта.

- Манучеҳр Сафаров аслида ўнг қанот ҳимоячиси. Нима сабабдан у қанот ярим ҳимоясида ўйнади?

- У жуда фаол футболчи. Билсангиз, у "Истиқлол"да қанотда латераль футболчи сифатида ўйнаган. Бу унинг учун одатий позиция. У орқали биз қанот ҳимоямизни кучайтира олдик. У паслар бериб, тезда ортга ҳам қайтиб олади. Ҳужумда ҳам ёмон ҳаракат қилмади. Менимча у бу жойда ўйнашга қийналмайди. Ҳозирча у ўзининг оптимал ҳолатида эмас. Биз Иван Нагаевнинг ҳам, Анвар Алижоновнинг ҳам қўшишини истаймиз. Фикримча кўп нарса тактик режага боғлиқ.

Рейтинг: +1   

Фикрлар

championat.asia
< сўнгги янгиликларни кўриш
Яндекс.Метрика