Де Брюйне: "Соғайишим учун 6 ой вақт кетиши мумкин"
18 июн 2021 19:22
Янгиликлар

Де Брюйне: "Соғайишим учун 6 ой вақт кетиши мумкин"

Бельгия терма жамоаси ярим ҳимоячиси Кевин де Брюйне Данияга қарши ўйинда урган голи ва голли узатмасидан сўнг ўз ҳолати ҳақида гапирди.

Эслатиб ўтамиз, Чемпионлар Лигаси финалида Кевин де Брюйненинг бурни ва кўз қисми суяги синган эди. Футболчи кичик операцияни бошидан ўтказди.

"Чап томонимда тиш шифокори ҳузурига ташриф буюрганимдек ҳеч нарса сезмаяпман. Асабларим анча зарарланди ва уни тиклаш учун 6 ой вақт кетиши мумкин. Бу ёқимсиз ҳолат, лекин асосийси мен майдонга тушишим мумкин", — дейди футболчи.

Евро-2020 2-турида Бельгия терма жамоаси Данияни 2:1 ҳисобида мағлуб этди. Кевин де Брюйне захирадан майдонга тушгандан сўнг, ўйинни жамоаси фойдасига ўзгартира олди.

Ҳавола :

Манба : ESPN

Янгиликларни Телеграмда ўқинг!

Рейтинг: +12