Даврон Файзиев: "Шўртан" бизни жазолади"

"Бугун стадионга келган мухлисларга раҳмат айтмоқчиман. Учрашув жуда қизиқарли кечди. Гоҳ рақиб, гоҳ биз ташаббусга эга бўлди. Голларга бой бўлди. "Шўртан" жамоасининг турнир жадвалидаги эгаллаб турган ўрни ўзига мос эмаслиги исботланди. Ўйиндан олдин хотиржамликка берилмасликни ва рақибни менсимаслик ҳолати кузатилмаслигини талаб қилдим. Лекин барибир футболчиларнинг ҳаёлида осон ютамиз деган фикр бўлди. Рақиб бунинг учун бизни жуда яхши жазолади. Мағлубиятни мардларча қабул қилиш керак. Футболчиларда бу фикрни йўқота олмаганим бу менинг айбим, шу боис мағлубиятда мен айбдорман. Ишлашда давом этамиз. Олдимизда бунданда қийин ва бунданда оғир баҳслар кутиб турибди", - дейди Даврон Файзиев.

"Сўғдиёна" матбуот хизмати