Даврон Файзиев: "Яқин кунларда истъефога чиқмоқчиман"

"Бугунги матбуот анжумани мен учун "Сўғдиёна" бош мураббийи лавозимидаги охирги матбуот анжумани бўлиши мумкин. Сабаби яқин орада мен истеъфо сўраб ариза ёзмоқчиман. Сабаби натижа ёмонми демак мураббий айбдор, барча айбни ўз бўйнимга оламан", - деб гап бошлади Файзиев.

"Ўйин ҳақида нима дея оламан, белгиланган пенальти футболчиларимни руҳан синдириб қўйди. Сабаби бу йил жамоам биринчи бўлим гол ўтказиб юборса руҳан тушкунликка тушиб қолмоқда. Жамоа муаммоларини қанчалик тез бартараф этса натижа шунчалик тез келади. Ўзимизнинг хатоларимиз эвазига голлар ўтказиб юбордик. Ўйин борасида "Навбаҳор" биздан устун бўлмади, фақат омад эвазига рақиб ғолиб бўлди. Бугун икки тенг жамоа курашди".

"Жамоада молиявий муаммолар ҳамон бор. Биз олий лига клубларидан ўйинчи олиб кучаймадик, аксинча биздаги асосий ўйинчилар бошқа клубларга ўтиб кетишди. Бир йилда жамоа тузиб бўлмайди. "Сўғдиёна" бунчалик оғир аҳволга тушиб қолади деб ўйламаган эдим", - дейди Даврон Файзиев.