Даврон Файзиев: "Икки таймда икки хил ўйин кўрсатдик"

Игорь Шквирин, «Олмалиқ» бош мураббийи: «Жамоам бу яна ирода кўрсатиб ғалаба қозонди. Бевосита ўйинга тўхталадиган бўлсам, биринчи таймда ўтган ўйиндаги каби майдон марказида кўплаб хатолар кўзга ташланди. Қанот ярим ҳимояси ҳам деярли «ишламади». Иккинчи таймда ҳужумкорликни оширдик. Натижада, ўйин темпи ошиб, хатолар камайди ва керакли натижани қўлга киритдик. Жамоавий ўйинни шакллантириб олишимиз учун яна ишлашда давом этамиз. «Сўғдиёна» жамоаси ўйини манга ёқди. Даврон Файзиев яхши жамоа шакллантиряпти. Жамоа шу каби ҳаракатдан тўхтамаса, ўз олдига қўйган вазифани бажара олади».

Даврон Файзиев, «Сўғдиёна» бош мураббийи: «Бугун голларга бой мухлисларга ёқадиган ўйин бўлди. Жамоамга келадиган бўлсак, икки таймда икки хил ўйин кўрсатдик. Эски касаллик меҳмонда ўз кучи ва маҳоратига бироз ишончсизлик бу ўйинда ҳам ўз таъсирини ўтказди. Тўғрироғи футболчиларда тажриба етишмаяпти. Захирадан майдонга тушганлар ўйинни кучайтира олишмади. 19 март куни «Ғаллакор» жамоаси билан ўртоқлик ўйини ўтказгандик. Ўша ўйинда асосий таркибдан 4 нафар футболчимиз жароҳат олди. 29 март куни ўз майдонимизда «Динамо»га қарши жиддий ўйин кутяпти. Шу боис, бугун уларни майдонга тушириб таваккал қилишни истамадим. Жароҳатларини янгилаб олишлари мумкин эди».