Даврон Файзиев: "Чемпионликка таъсир кўрсатишга ҳаракат қилдик"

- Жуда қизиқарли ўйин бўлди. Лекин натижа биз ҳохлагандек бўлмади. Ҳамма бизни бошқа жамоаларга солиштиришади. Биз ҳам “Бунёдкор” каби шаклланишимизга бир қанча йиллар керак. Тан олиш ҳам мард кишининг иши. Дарвозабонимиз ўтган ўйинда жароҳати билан ўз постини қўриқлаганди. Шу боис уни укол ёрдамида ўйинга тайёрладик. Унинг тўлиқ тайёр эмаслиги билиниб қолди. Чемпионликка таъсир кўрсатишга ва сенсация кўрсатишга ҳаракат қилдик. Ростини айтсам, юртимизда янги чемпион номини танитишга интилдик. Бироқ режаларимиз амалга ошмади. Ўз олдимизга қўйган вазифани уч тур олдин бажариб бўлганимиз боис, ўзимизни бироз эркинроқ ҳис қилдик. Бу ҳам албатта ўз таъсирини кўрсатди, - дейди Даврон Файзиев.