Coca Cola Суперлига. Бугун "Турон" дебют қилади, Қаршида "Насаф" ва "Пахтакор" тўқнашуви, "Бунёдкор" стадионида "газчилар" дербиси
10 мар 2021 07:30
Янгиликлар

Coca Cola Суперлига. Бугун "Турон" дебют қилади, Қаршида "Насаф" ва "Пахтакор" тўқнашуви, "Бунёдкор" стадионида "газчилар" дербиси

Бугун Ўзбекистон чемпионатида 1-турнинг навбатдаги 3та ўйини бўлиб ўтади.

ТУРОН – ҚЎҚОН-1912
10 март 2021 йил. Яйпан. "Ўзбекистон" стадиони. 16:15 (Спорт тв LIVE)
Ҳакамлар: Зокир Қодиров, Руслан Самандаров, Бахтиёрхўжа Шавкатов, Акмал Раҳимов
Назоратчи: Бахтиёр Намозов
Комиссар: Жаҳонгир Раҳматуллаев

Суперлига дебютанти Яйпаннинг "Турон" клуби элитадаги дастлабки расмий учрашувни "Қўқон-1912"га қарши ўтказади. Табиийки бу жамоалар Ўзбекистон чемпионатида ўзаро ўйин ўтказишмаган.

Турон

Жасур Ҳакимов - 50'

Суперлига. 1-тур

10/03/2021, 16:15

Тугади

Қўқон-1912

Мўмин Мелиев - 39', Мурод Холмуҳамедов - 64'

45'

90'

Матч-центрда очиш

НАСАФ – ПАХТАКОР
10 март 2021 йил. Қарши. "Марказий" стадион. 18:30 (Спорт тв LIVE)
Ҳакамлар: Илгиз Танташев, Андрей Цапенко, Ҳусниддин Шодмонов, Илья Илин
Назоратчи: Марат Исмоилов
VAR ҳаками: Азиз Асимов
VAR ассистент: Жаҳонгир Саидов
VAR назоратчи: Фарҳод Абдуллаев
Оператор: Шохруз Хўжаев
Комиссар: Зоҳиржон Акрамхонов

Ўзбекистон Суперлигасида расмий тарзда VAR ишлатиладиган тарихий биринчи ўйин.

Бу клублар ҳозирга қадар Ўзбекистон чемпионати доирасида 48 марта ўзаро тўқнаш келишган. 28 марта "шерлар", 10 марта "аждарлар" ғолиб бўлишган. Қолган 10та ўйинда ғолиб аниқланмаган. "Пахтакор" 74 бор рақиб дарвозасига гол урган, "Насаф" ҳисобида эса 44та гол мавжуд.

Ўтган мавсум Қаршида ўтган баҳсда "Насаф" бу рақибни 3:0 ҳисобида таслим қилганди. Яқинда Самарқандда ўтган Суперкубок учун ўйинда эса "Пахтакор" ғолиб бўлди - 1:0.

Насаф

Шоҳмалик Комилов - 35', Шокир Йўлдошев - 61', Акмал Мозговой - 80'

Суперлига. 1-тур

10/03/2021, 18:30

Тугади

Пахтакор

Сардор Рашидов - 72', Иброҳимҳалил Йўлдошев - 87'

45'

90'

Матч-центрда очиш

БУНЁДКОР – МАШЪАЛ
10 март 2021 йил. Тошкент. "Бунёдкор" стадиони. 18:30 (Дунё Бўйлаб тв LIVE)
Ҳакамлар: Рустам Лутфуллин, Александр Сидоров, Тимур Галеев, Тўрабек Суюнов
Назоратчи: Равиль Шаяхмитов
Комиссар: Лазиз Қўчқоров

"Бунёдкор" ва "Машъал" клублари Ўзбекистон чемпионатида бугунга қадар 22 марта ўзаро ўйин ўтказишган. Натижалар "қалдирғочлар"нинг каттагина устунлигини кўрсатмоқда. 18та баҳсда Тошкент клуби 3 очко соҳиби бўлган. Иккита учрашувда дуранг кузатилган ва яна иккита баҳсда "Машъал" ушбу рақибни таслим қилган. "Бунёдкор" ўзаро ўйинларда 44та гол урган ва 7та гол ўтказиб юборган.

Тошкентдаги 11та учрашувда "Машъал" фақат бир марта дуранг ўйнаган (2016 йил) ва 10 бор мағлуб бўлган. Бу ўйинларда Муборак клуби атиги 1 марта "Бунёдкор" дарвозасини ишғол қилган (2014 йил).

Бунёдкор

Иброҳим Томива - 49'

Суперлига. 1-тур

10/03/2021, 18:30

Тугади

Машъал

45'

90'