UZ

Сўнгги янгиликлар

01:0140 ёшли Фабиански яна "Вест Хэм"га қайтди. Дарвозабон ўтган мавсум охирида клубни тарк этганди  0 00:41Расман: Эриксен эркин агент сифатида "Вольфсбург"га ўтди  0 23:42Рўзиқул Бердиев: "Беш кишилик ҳимояни ёриб ўтишни яхши уддаладик. Элит ОЧЛда муносиб бўлишга ҳаракат қиламиз"  4 22:56"Бавария" бир неча йил аввал 14 ёшли Ямални сотиб олмоқчи бўлган, аммо трансфер суммасини тўлашга журъат этмаган  2 22:21Виктор Карпенко: "Илк гол сабаб биринчи бўлимда тўртта ўтказдик"  6 21:44Анри Франция терма жамоаси ҳақида: "Янги мураббий ким бўлишини барчамиз биламиз"  0 21:20Нойер: "Германия таркибида бошқа ўйнамайман. Бу онгли қарор эди"  4 20:52Суперлига. "Насаф" "Бухоро"ни йирик ҳисобда мағлуб этди  56 19:23Тоуни: "Саудия лигаси мен учун АПЛ билан бир даражада"  8 18:273 ўйинда 2 очко тўплаган Симеоне: "Учинчи ўрин етарли эмас. Чемпион бўлиш вақти келди"  5 17:33“Бу оптимал таркиб эмас. Ҳакам қарорлари тўғри эди, мағлубиятни тан ола билиш ҳам керак" — Санъат Шихов Эрон билан ўйин ҳақида  41 17:18Тожикистоннинг икки терма жамоасида истеъфо юз берди  17 17:07"Ман Сити" ҳужумчиси жароҳат туфайли МЮга қарши ўйинни ўтказиб юборади  1 16:24"Интер" 2025/26 мавсум учун учинчи формани тақдим этди. У "2000-йилларда жамоани яхши кўрганлар ва бугун уни севувчиларга" бағишланган  2 15:49"Барселона" Хасбуллани "Камп Ноу"га таклиф қилди  9

Coca Cola Ўзбекистон кубоги декабрь ойида плей-офф тизимида ўтади Янгиликлар

Coca Cola Ўзбекистон кубоги декабрь ойида плей-офф тизимида ўтади

ЎзПФЛ 9 ноябрь куни старт оладиган ФИФА кунларига қадар Coca Cola Суперлиганинг 22 тур учрашувларини якунлаб олишни режалаштирган.

ФИФА кунларидан кейин II босқичнинг сўнгги тўрт тур учрашувлари ўтказилади. Бу борада ЎзПФЛ клублар билан кенгашиб, уларнинг ҳар бири учун қулай бўлган таклифни тақдим этди. Режа бўйича, 26-тур учрашувлари якунига етгач, Ўзбекистон Coca Cola кубоги старт олади.

Пандемия борасида тасаввур ҳам йўқ бўлган вақтда кубок учрашувлари гуруҳ босқичи кўринишида ўтишига келишилганди. Бу билан ОФК белгилаб берган 27 ўйинлик минимум талаб билангина чекланиб қолмай, жамоалар мавсум давомида минимум 29 учрашувда иштирок этишларига эришиш мумкин бўларди. Шунингдек, биринчи учрашувларда мағлубият қабул қилиб олган жамоаларда кейинги босқичга йўл олиш имкони яна сақлаб қолинарди. 2021 йилги мавсумдан эса гуруҳ босқичининг ўзида жами 24 клуб иштирок этиши режалаштирилганди. Буларнинг бари мусобақага бўлган қизиқиш ҳамда ўйинлар сонининг ошишига олиб келиши шубҳасиз.

Бироқ пандемия клубларнинг молиявий ҳолатига таъсир ўтказди. Айни вақтда клублар футболчиларга декабрь ойи учун ҳам маош тўлашига тўғри келади. Қўшимчасига, айрим клубларнинг сметалари 20 фоизга қисқартирилгани борасида маълумотлар бор. Шундан келиб чиқиб, ЎзПФЛ вазият тақазоси туфайли клублар билан яна бир бор маслаҳатлашди.

Унга кўра, бирйўла 12 клуб — “Қўқон-1912”, “Машъал”, “Пахтакор”, “Сурхон”, “Бухоро”, “Насаф”, “Металлург”, “Сўғдиёна”, “Шўртан”, “Андижон”, “Бунёдкор” ҳамда АГМК форматни олимпия кўринишига ўзгартириш таклифини илгари сурди. Мазкур клублар орасидан фақатгина АГМК кубок учрашувларини марказлаштирилган ҳолда Тошкент шаҳри ва вилоятларида ўтказиш таклифини берди.

Яна тўрт клуб — “Қизилқум”, “Локомотив”, “Навбаҳор” ҳамда “Оқтепа” форматни гуруҳ босқичи кўринишида қолдириш истагини билдирди.

Ҳолат юзасидан ЎзПФЛ Ўзбекистон футбол ассоциацияси билан фикр алмашди ҳамда уч баробар кўпроқ овоз тўплаган вариант пандемия даврида мақбул вариант деб топилди. Шундан келиб чиқиб, кубок учрашувларига олимпия кўринишида қайта қуръа ташлаш маросими ўтказиш тўғри йўл бўлади.

ЎзПФЛ бу борада Спорт-ТВ канали билан фикр алмашади. Ишчи режага кўра, қуръа маросими Ўзбекистон миллий терма жамоасининг ФИФА кунларидан ўрин олган биринчи учрашуви танаффусида ёки ўйингача бўлиб ўтиши катта эҳтимол. ЎзПФЛ бу борада алоҳида маълумот беради.

Маълумот учун, Coca Cola Суперлига учрашувларига қуръа ташлаш маросимида Ўзбекистон Coca Cola кубогининг финал учрашувига Наманган шаҳри мезбонлик қилишига ойдинлик киритилган. Наманган шаҳридаги финалга қадар жамоалар ҳар бир босқичда биттадан учрашувда иштирок этади. Қуръа саватидан биринчи бўлиб олинган жамоа мезбон, иккинчиси эса меҳмон мақомида бўлади. 90 дақиқа давомида ғолибни аниқлаб бўлмаса, 15 дақиқадан иккита қўшимча тайм, кейин эса пенальтилар сериясига навбат берилади.

Алмаштириш мумкин бўлган футболчилар сони борасида алоҳида маълумот тақдим этилади. Айни ҳолатда ЎзПФЛ 90 дақиқа ичида уч уринишда тўрт футболчи алмаштириш ва ўйин қўшимча таймларга қадар чўзилса, яна бир нафардан футболчини алмаштириш таклифини илгари сурмоқда. Бу борада ЎзПФЛ клублар бош мураббийлари билан фикр алмашади.

Рейтинг: +5   

Фикрлар

championat.asia
< сўнгги янгиликларни кўриш
Яндекс.Метрика