Shu tariqa, “aristokratlar”ning 7 o'yinlik “quruq” seriyasi o'z nihoyasiga etdi. Jamoa Tomas Tuxel qo'l ostida ilk mag'lubiyatini qabul qildi. Bungacha Tuxel shogirdlari o'tkazilgan 14 uchrashuvning 10 tasida zafar quchib, 4 tasida raqiblar bilan durang o'ynagan edi.
Londonliklar kiperi Eduar Mendi yuqori divizionlardagi faoliyati davomida ilk bor bir o'yinda beshta gol o'tkazib yubordi. Shuningdek, Tomas Tuxel murabbiylik qilgan jamoa birinchi marotaba uyda o'tkazilgan o'yinda o'z darvozasidan 5 ta to'p olib chiqdi.
