"Челси" Испаниядан дарвозабон топди

Англиянинг "Челси" клуби Испаниянинг "Вильярреал" жамоаси дарвозабони Филип Йоргенсенни сотиб олмоқчи, дея хабар берди Фабрицио Романо.

Хабарларга кўра, "кўклар" "эль субмарино амарильо"га 22 ёшли Йоргенсен учун 20 млн евролик таклиф билан чиққан. Дарвозабоннинг ўзи билан музокаралар ўтган ҳафта бошланганди – Йоргенсен бу трансферга қарши эмас.

Филип Йоргенсен 2023/24 йилги мавсум "Вильярреал" таркибида 37 та ўйин ўтказиб, 64 та гол ўтказиб юборган, 6 та ўйинда дарвозани "қуруқ" сақлаган.