UZ

Сўнгги янгиликлар

02:47Португалия — УЕФА Миллатлар лигаси соҳиби! Португаллар финалда испанларни пенальтилар серияси орқали мағлуб этишди  144 00:51Забарний "Борнмут"га ПСЖга ўтмоқчи эканини айтди, ҳимоячи учун 70 млн евро талаб қилишмоқда  1 00:25"Манчестер Сити"нинг 70 млн евролик бўлажак трансфери тиббий кўрикдан ўтди  2 23:50Жоб Беллингемнинг янги клуби маълум  0 23:22"Байер" Вирцни 140 млн евро эвазига "Ливерпуль"га сотадими?  2 22:35Қатар терма жамоаси Тошкентга етиб келди  6 22:15Ўртоқлик ўйини. Ўзбекистон ва Россиянинг 21 ёшгача бўлган жамоалари ўртасидаги ўйинда 9 та гол урилди  43 22:10Ўзбекистон кубоги. "Динамо" 1/8 финалнинг илк ўйинида "Лочин"ни тор-мор этди  12 21:43Ўзбекистон терма жамоасининг бугунги машғулотидан ФОТОГАЛЕРЕЯ  0 21:34Аарон Ремзи фаолиятини Мексикада давом эттиради  1 21:10Абдулла Абдуллаев: "Энди янада юқори мақсадлар қўйиб, мундиалда яхши натижалар қайд этишга ҳаракат қиламиз"  11 20:44Ўзбекистон U-16 назорат ўйинида Россия U-16га йирик ҳисобда мағлуб бўлди  18 20:24Одил Ҳамробеков: "Нималар қилиб қўйганимизни тўлиқ ҳис қила олмаяпман"  14 20:00УЕФА Миллатлар лигаси. Франция учинчи ўрин учун баҳсда Германияни мағлубиятга учратди  29 19:54Про лига. "ФарДУ" ва "Арал" ўртасидаги ўйин тақдирини ягона гол ҳал қилди  5

“Бухоро” 2020 йилги мавсум олдидан янги футболчиларни таништирди Янгиликлар

“Бухоро” 2020 йилги мавсум олдидан янги футболчиларни таништирди

Бугун Бухоро шаҳридаги "Ёшлар маркази" масжмуасида “Бухоро” профессионал футбол клуби кенг жамоатчилик учун янги мавсум олдидан янги футболчиларни таништирув маросимини ўтказди.

Тадбирда ҳокимият вакиллари ва клуб раҳбарияти иштирок этишди.

Учрашув аввалида Бухоро вилоят ҳокими ўринбосари Жамол Носиров, сўзга чиқиб, олдинги мавсум кўнгилдагидек ўтмагани, бунинг сабаблари, бу мавсум вилоят ҳокими футболга катта эътибор қаратиб, биринчи навбатда клуб директорини алмаштириб, соҳанинг тажрибали мутахассиси Жамшид Ботировни клуб директори этиб тайинлангани, майдон чими кореялик мутахассислар томонидан қайта реконструксия қилинаётгани, жамоа яқин 5 йил ичида мавсумни ҳеч қандай қарздорликларсиз бошлагани, мураббийлар штабига янги мавсумда қаттиқ талаблар қўйилишини таъкидлади.



Шундан сўнг сўзга чиққан бош мураббий Муҳсин Муҳаммадиев мавсумолди тайёргарлик жараёни режадагидек кетаётгани, бир қатор футболчилар жамоа кўригидан ўтгани, улардан жамоанинг ўйинини кучайтира оладиганлари билан шартнома имзолангани, легионерлар, жароҳатдаги футболчилар, янги мавсумда раҳбарият талаби билан асосан бухоролик маҳаллий ёш футболчилар билан кучли, рақобатбардош жамоа шакллантирилгани ҳақида гапириб ўтди.



Тадбир давомида “'Бухоро”га келиб қўшилган янги футболчилар кенг оммага таништирилди. Улар “Бухоро” сафида қуйидаги рақамларда тўп тепишади:


91 – Зафар Сафоев
20 – Сардор Қобулжонов
55 – Артём Барановский (Украина)
26 – Аброр Хусинов
16 – Жасур Ҳасанов
7 – Суҳроб Неъматов
11 – Зоҳир Пиримов
77 – Изатилла Абдуллаев
40 – Азизбек Амонов
69 – Эдин Юнузович (Хорватия)
9 – Жасурбек Ҳакимов


Шунингдек, “Бухоро” жамоаси таркибида қуйидаги футболчилар жой олишган:

25 – Шоҳжаҳон Насимов
88 – Милован Капор (Канада)
28 – Эргаш Исмоилов
5 – Бобуржон Амонов
4 – Миржалол Жумаев
23 – Беҳруз Шодмонов
8 – Анвар Жўраев
19 – Бекзод Саидов
10 – Жаба Липартия (Грузия)
21 – Аббос Жумақулов
17 – Беҳруз Саъдилоев
29 – Шаҳзод Бешимов
98 – Солибек Каримов
33 – Жавоҳир Шодмонов

Маросим сўнгида мухлислар ва ОАВ ходимларини қизиқтирган саволларга атрофлича жавоб берилди.


- “Бухоро” биринчи давра уй ўйинларини қайси стадионда ўтказади?
Жамол Носиров (Бухоро вилояти ҳокими ўринбосари):
Майдон майсаларини янгилаётган кореялик мутахассисларнинг талабидан келиб чиқиб жамоанинг биринчи давра уй ўйинлари Муборакдаги “Машъал” стадионида ўтади. Лекин мухлислар ҳамма ўйинларни жонли кузатишлари учун автобуслар бириктирилади.


- Муҳсин Муслимович биз мухлислар жамоамиз ОФК кубогида ўйнашини хоҳлаймиз, айтингчи бунга нима тўсқинлик қилади?
Муҳсин Муҳаммадиев (бош мураббий):
Биз мухлисларни тушунамиз, лекин ҳамма нарса бирдан бўлиб қолмайди. Сиз талаб қилаётган даражага чиқиш учун клуб бюджетида 20-30 миллион АҚШ доллари бўлиши керак. Албатта босқичма-босқич шу даражагача чиқамиз.


- Бизда ҳам Европа давлатларидек селекция ишлари профессионал тарзда олиб бориладими?
Жамшид Ботиров
: Олдин клубда битта селекционер мураббий ишларди. Энди яна иккита мутахассис жалб қилинди жами 3 мураббий худди шу йўналишда ишлайди ва жамомизга янги иқтидорларни олиб келишда ёрдам беради.

- Ўзбекистонда трансфер 7 мартга қадар давом этади. Клубга яна янги ўйинчилар келиб қўшиладими?
Муҳсин Муҳаммадиев:
Жамоада кучайтириш керак бўлган бир нечта позициялар бор. Бу борада янги футболчилар билан музокаралар ўтказилмоқда.



Ғофур Турсунов Бухоро шаҳридан championat.asia сайти учун махсус

фото: "Бухоро" матбуот хизмати

Рейтинг: +10   

Фикрлар

championat.asia
< сўнгги янгиликларни кўриш
Яндекс.Метрика