Бускетсга ўринбосар топилди-ми? Кессие "Барселона"га қандай ёрдам бера олади?

25 ёшли ивуарлик футболчи ва клуб ўртасидаги битим муддати 2026 йил ёзигача амал қилади. Кессиенинг маоши бонуслар билан бирга 7 млн еврони ташкил қилмоқда. Ўйинчи ушбу трансфер учун бонус олмайди, сабаби "кўканорранглилар" бунинг ўрнига унга юқори маош таклиф қилишди. Кессие каталонлар учун тиббий кўрикдан ўтиб улгурди. Франк ва "Милан" ўртасидаги шартнома шу йилнинг ёзида ниҳоясига етади. Шу сабабли, у "Барса"га эркин агент сифатида йўл олади.

Юксалиш

Кессие — Абиджан шаҳрининг "Стелла д’Аджаме" клуби (Кот-д'Ивуар) тарбияланувчиси ҳисобланади. (Кот-д'Ивуар). Франк бу жамоада 2010-2015 йилларда тўп тепган. Италиялик скаутлар эътиборига тушган хавбек "Аталанта"га келган. Бироқ клуб ўйинчини В Сериядаги "Чезена"га ижарага бериб юборади. Кессие 2016/17 йилги мавсумни бергамоликлар сафида ўтказди ва 4-ўринни эгаллади.

2017 йил ёзида икки йиллик ижара ҳуқуқи асосида "Милан"га ўтди ва кейинроқ клуб унинг трансферини тўлиқ сотиб олди.

Футболчи U17 сафида атиги 5 марта майдонга тушди ва тезда Кот-д’Ивуар биринчи жамоасига чақирув олди. Кессие 2014 йил кузида мамлакат терма жамоаси сафида 17 ёшида Сьерра-Леонега қарши баҳсда дебют қилди. Франк бугунги кунда ҳам "филлар"нинг муҳим ўйинчиси саналади.

Танаффуслар

"Барселона" Кессиени сафига қўшиб олиш нияти борлиги ҳақидаги хабарлар чиқишидан олдин, бошқа қатор топ-клублар ҳам футболчига қизиқиш билдирган. Ўйинчи "Милан" билан битимни узайтириш истаги йўқлигига оид янгиликлар ўтган йил ёзда чоп этила бошлаган. Миш-мишларга қараганда, ивуарлик клубдан 9-10 млн маош беришларини сўраган ва шу йўл орқали "россонери" билан битимни узайтириш нияти йўқлигини билдирмоқчи бўлган. "Милан" эса бу шартга кўнмаслиги аниқ эди. Франк ўшандан буён "россонери" мухлисларининг доимий норозиликларига дуч келди, айниқса, улар клуб чемпион бўлишига бир неча қадам қолганда муҳим ўйинчилардан бири жамоадан кетишига эътироз билдиришмоқда. Бу эса албатта, хавбекнинг ўйинига ҳам ўз таъсирини ўтказди. Италия ОАВнинг декабрь ойидаги хабарларига кўра, Стефано Пиоли қониқарсиз ўйини учун футболчини захирада қолдиришга қарор қилган, бироқ мураббийнинг ўзи футболчига дам бериш истагида эканини айтган.

Февраль ойида "Football Espana" нашри Кессие ўтган йил "Барселона"га ўтиш нияти бор эди деган хабар чопди. Клуб скаутлари Рональд Куман эътиборини Франкга қаратишга ҳаракат қилишган, аммо нидерландиялик мутахассис ўйинчининг сифатларидан унчалик қониқмаган. Куманнинг фикрича, у "блауграна" учун етарли даражада кучли техникага эга эмас.

Хави эса Кессие ҳақида мутлақо бошқа фикрда. Испаниялик мураббийнинг сўзларига кўра, Франк ёши ва услуби туфайли замонавий футбол динамикасига мос келмай қолаётган Серхио Бускетсга муқобил ўринбосар бўлади олади. Инсайдерлар март ойида Хави Каталон клубига ўтишига ойдинлик киритиб олиш мақсадида Кессиега қўнғироқ қилди деб хабар беришган эди. Франк эса бу трансфер, клуб ва шаҳар унга маъқул келганини яширмаган. Фабрицио Романо хабарига кўра, трансфер амалга ошишида айнан Хави муҳим роль ўйнаган — Кессие каталонияликлар билан шартнома имзолаш учун АПЛнинг бир нечта клублари юқори маош билан берган таклифини рад этган ва "Барса" мураббийи томонидан таклиф борлигини таъкидлаган.

Услуби ва устун жиҳатлари

Франк жорий мавсум барча мусобақаларнинг 30 учрашувда майдонга тушди ва 6та гол уриб, 1та ассист қайд этди. Кессие — чайир ва жимонан бақувват бўлиб (ҳужумда ҳам, ҳимояда ҳам фойда келтира олади), мудофаа чизиғида яхши ҳаракатлана олади. "Президент"нинг, клубдагилар унинг ҳаводаги курашлардаги ҳаракатлари, ажойиб узатмалари, меҳнаткашлиги ва тўпни олиб қўйишдаги фаоллигини кучли жиҳатлари деб билишади.

Кессие жорий мавсум жуда кўп танқидларга дуч келди. Мухлисларнинг фикрича, Франкнинг омади чопмади, кўпинча гол бўлиши мумкин бўлган паллаларда хатога йўл қўйди, жамоанинг якуний натижасига катта таъсир кўрсатган ҳолда (айниқса, Чемпионлар Лигаси ва А Сериянинг муҳим баҳсларида), ўйиндан четлаштирилди. Франк эса мавсум стартидаёқ вазиятни англаган ва бошқа клуб футболкасида эканини ҳаёл қилганча, майдонга тушган ҳамда агенти билан битим шартлари оширилишини раҳбариятдан талаб қилган. "Россонери" собиқ форварди Антонио Кассано ўтган ой Франкнинг муваффақиятсизлиги борасида шундай деган эди:

Африка Кубогидан қайтгач, у ўзига ўхшамас ва ҳаёли бир жойда эмасди. Афтидан, у келаси мавсум нима қилмоқчилиги борасида бир қарорга келиб бўлган...

Бироқ ишитёқ билан муаммоси йўқ пайтдаги ивуарлик трансфер бозорининг асосий фигураларидан бирига, ўз позициясида "топ"лардан бири бўлди.

"Барселона"да ёши ўтиб бораётган Бускетснинг ўрнига аста-секинлик билан Кессие хизматидан фойдаланишади. Гави, Нико Гонсалесе, Педри, Пуч ва де Йонг бор экан, марказий чизиқ янада кучаяди. Хави Кессие учун қандай роль танлайди, бу ҳали аниқмас. Чунки янги Бускетс роли учун Франк ҳозирги ҳолатида унчалик мос келмайди.

Артуро Видаль, Сейду Кейта ёки Паулиньо даврида "Барса"да вазият бошқачароқ эди. Нима бўлганда ҳам, доимий ротация ва дастлабки тажрибалардан қочишнинг иложи йўқ. Хави қўл остида Кессиенинг якуний ампуласи келаси мавсум ўрталарида аниқ бўлиши мумкин.

Нозима Зарипова таржимаси