"Бунёдкор"нинг тўрт нафар футболчиси олимпия терма жамоасига чақирилди
18 авг 2015 16:46
Янгиликлар

"Бунёдкор"нинг тўрт нафар футболчиси олимпия терма жамоасига чақирилди

Ўзбекистон олимпия терма жамоаси навбатдаги йиғинга ҳозирлик кўрмоқда.

Виктор Жалилов бошчилигида олимпиячиларимиз 27-28 август кунлари Тошкентда икки кунлик қисқа йиғин ташкил этишади. Шундан сўнг, тайёргарликлар Словакия мамлакатига кўчади. Европадаги машғулотлар 9 сентябрга қадар давом эттирилади.

Ушбу йиғинларга “Бунёдкор” ФКга тегишли тўрт нафар футболчи жалб этилди. Булар: ҳимоячи Акрамжон Комилов, ярим ҳимоячилар Отабек Шукуров ва Достонбек Ҳамдамов ҳамда ҳужумчи Забиҳилло Ўринбоев.

Эслатиб ўтамиз, Ўзбекистон олимпия терма жамоаси 2016 йилнинг 12-30 январь кунлари Қатар мамлакатида ўтказиладиган Осиё Чемпионати мусобақасига тайёргарлик олиб бормоқда.

Ҳавола :

Манба : fcbunyodkor.com

Янгиликларни Телеграмда ўқинг!

Рейтинг: