“Бунёдкор” ва “Локомотив” ёшлари дуранг ўйнашди

Учрашувнинг 19-дақиқасига келиб мезбонлар ҳисобда олдинга чиқиб олган бўлишса, иккинчи бўлимнинг иккинчи дақиқасида Евгений Танаев ўйиндаги сўнгги голни киритди.

Футболчилар қишки йиғин давомида жисмоний кучли юкламаларни олаётганликлари боис, Руслан Аҳмедхонов ҳар икки бўлимда бошқа-бошқа таркибни майдонга туширди. Биринчи бўлимда “Бунёдкор” футболчилари голга қадар кичик устунликка эга бўлишди. Асосий таркиб аъзоси ҳисобланган Шакер Зуаги ўйинни бошланғич таркибда ўтказди. Гол ўтказиб юборилганидан кейин эса ҳужумлар асосан ёш “темирйўлчилар” томонидан ташкил этилди.

Иккинчи таймда “Локомотив” футбол мактабидан етишиб чиққан ўсмирлар майдонга чиқарилди. Улар бўлимни кўтаринки руҳда бошлаб, икки дақиқа ичида ҳисобни тенглаштиришди. Янги йил ҳисобидан пойтахтнинг бошқа бир клуби – “Пахтакор” ёшларига қарши ўйинда ҳам ғолиб жамоа аниқланмаганди – 0:0. 2016 йилнинг иккинчи ўртоқлик ўйинида ҳам кучлар тенг келди.

Қуйида беллашувдан туширилган фотосуратларни ҳавола қиламиз. Эртага – 31 январь куни “Локомотив”нинг асосий таркиби худди шу стадионда ўзаро иккига бўлинган ҳолда ўйин ўтказади. Беллашув 13:00 да бошланиши режалаштирилган.

БУНЁДКОР – ЛОКОМОТИВ 1:1 (1:0)

Голлар: Суннат Абдуллажонов, 19 (1:0). Евгений Танаев, 47 (1:1).

“Локомотив” (1-бўлим): Рустам Нортожиев — Лазер Адамов, Шерзод Қодиров, Хумоюн Аъзамов, Нодир Шаҳобиддинов — Абдулазиз Иброҳимжонов, Абдураҳмон Жолдасев, Ҳаёт Сотиболдиев, Шерзод Қаюмов — Жаҳонгир Соқиев, Азиз Фозилов.

“Локомотив” (2-бўлим): Рустам Нортожиев — Отабек Муҳамедов, Фаррух Иброҳимов, Дилшод Эргашев, Улуғбек Абдуллаев — Жаҳонгир Сафаров, Бобур Эргашев, Евгений Танаев, Рустам Хамроев, Шохруҳ Мўминқулов — Тимур Усмонов.