"Бунёдкор" олти футболчини ижарага берди

"Бунёдкор" футбол клуби мавсумнинг қолган қисмида ўйин амалиёти кам бўлиш эҳтимоли юқори бўлган ҳамда ёшлар таркибида ўзларини яхши ҳислатларини намойиш этган бир неча футболчиларни олий лиганинг бошқа клубларига ижарага берди.

Бу ҳақда “қалдирғочлар” расмий твиттери хабар бермоқда.

Жумладан: Фурқат Ҳасанбоев - "Сўғдиёна", Камронбей Кападзе ва Жавлон Мирабдуллаев - "Андижон", Орифжон Мамажонов ва Шукурали Пўлатов - "Навбаҳор", Дилшод Ҳамроев - "Қизилқум" каби клубларда ўйнашади.

Маълумот учун, Олий лига 1-тури доирасидаги "Бунёдкор" - "Қизилқум" учрашуви 15 март куни "Пахтакор" марказий стадионида соат 17:00да бошланади.