"Бунёдкор" академияси тарбияланувчилари Хорватияга боради
01 май 2024 15:40
Янгиликлар

"Бунёдкор" академияси тарбияланувчилари Хорватияга боради

Бир йиллик танаффусдан сўнг "Бунёдкор" академияси тарбияланувчилари Хорватиянинг бир қатор шаҳарларида бўлиб ўтадиган анъанавий "Dalmatinko Cup" халқаро мусобақасида иштирок этади.

Болалар ва қизлар ўртасидаги халқаро турнирда бир нечта ёш тоифасидаги 200 га яқин жамоа 3500 дан зиёд футболчи қатнашади. Уларнинг орасида "қалдирғочлар" ҳам борлиги эътиборга молик. Аҳамиятлиси, клуб тарбияланувчилари 2022 йил илк бор мазкур халқаро мусобақада қатнашган ва учта ёш тоифасидаги жамоалари юқори натижаларни қайд этган эди. Июнь ойининг илк кунларида старт оладиган "Dalmatinko Cup" турнирида мамлакатимиз шаънини Миразиз Мирзааҳмедов (2011 йил) устозлигидаги "Бунёдкор" академияси вакиллари ҳимоя қилади. "Қалдирғочлар"га гуруҳда "Генк" (Бельгия), "Ҳайдук" (Хорватия) ва "Олимпия"(Словения) жамоалари рақиблик қилади.

Ҳавола :

Манба : "Бунёдкор" матбуот хизмати

Янгиликларни Телеграмда ўқинг!

Рейтинг: +1