UZ

Сўнгги янгиликлар

00:53"Реал"нинг Хёйсенни четлатилиши бўйича берган апелляцияси рад этилди  0 00:30ОЧЛ-2. "Аркадағ" - "Андижон" 0:0  2 00:05ЕЧЛ. "Бавария" - "Челси" (онлайн ҳисоб)  11 00:05ЕЧЛ. "Ливерпуль" ўз уйида "Атлетико"ни қабул қилмоқда (онлайн ҳисоб)  12 23:54ОЧЛ 2. Эроннинг "Истиқлол" клуби "Ал Васл"га ўта йирик ҳисобда мағлуб бўлди. Ўзбек футболчилари қайдномада йўқ эди  1 22:53ОЧЛ 2. "Андижон"нинг гуруҳидаги иккинчи ўйинда ҳам дуранг қайд этилди  21 22:32Тақиқланган модда Мудрикнинг қонига терма жамоа йиғини пайт тушгани маълум бўлди  0 22:02Анри "Арсенал" ҳақида: "Уларда деярли иккита жамоа мавжуд. Бу йил албатта бирор нарса ютиш шарт"  3 21:10Хейсен «Сосьедад»га қарши ўйиндаги ўз четлатишини ВАР бекор қилиши керак эди деб ҳисоблайди  6 20:38ОЧЛ-2. "Андижон" меҳмонда "Аркадағ" билан дуранг ўйнади  125 19:36Гвардиола «Ман Сити»ни ЧЛда ғолибликка даъвогар деб ҳисобламайди: «Аниқ йўқ. Фақат лаҳзалардан роҳатланиб, бу ерда бўлганимиздан хурсандмиз»  6 18:31Собиқ ҳакам Буррул «Реал»нинг иккинчи пенальтиси ҳақида: «Нотўғри белгиланган. Ўйинчи йиқилди, қўл ҳаракати табиий»  35 17:29"Қизилқум" майдондан чиқишни хоҳламаган футболчи билан шартномани бекор қилди  14 17:15Қайси клуб ҳозирги таркиби учун энг кўп пул сарфлаган?  9 16:50Пролига 15-турида ишловчи расмийлар  0

"Бундай ҳолат бўлганидан кўра вақтида хайрлашган яхши". Глишич нима учун "Динамо"дан кетди? Янгиликлар

"Бундай ҳолат бўлганидан кўра вақтида хайрлашган яхши". Глишич нима учун "Динамо"дан кетди?

Қишки трансферлар вақтида Самарқанднинг "Динамо" жамоасига босниялик легионер Александр Глишич келиб қўшилган эди.

Лекин яқинда биринчи давра тугамасиданоқ футболчи ва клуб ўртасида келишув бекор қилинди. Хўш, унинг жамоани эрта тарк этиши нима билан боғлиқ? Championat.asia мухбири Абдулазиз Искандаров шу ва бошқа саволлар юзасидан Глишич билан боғланди. 

- Александр очиғи ҳали мавсум ўртасига келмасдан жамоа билан хайрлашишга қарор қилдингиз. Очиғи ушбу ҳолат кўпчиликни ўйлантириб қўйди...

- Ҳа, биз шартномани ўзаро келишган ҳолда бекор қилдик. Балки буни ҳеч ким кутмагандир. Аммо футболда бўлиб турадиган ҳолат сифатида қабул қилиш мумкин. Якунда шундай йўлни танлашни лозим топдик.

- Клуб, мураббий ёки раҳбарият билан боғлиқ ички муаммолар бор эдими?

- Шахсан менда ҳеч қандай муаммо бўлмаганини айта оламан. Шунчаки бошидан жамоага кўника олмадим. Бундай ҳолат бўлганидан кўра, хайрлашган афзалроқ.

- Жамоа мавсумга яхши тайёргарлик кўрганди. Лекин натижалар яхши эмас. Легионер сифатида буни қандай изоҳлайсиз?

- "Динамо" жуда катта ва ажойиб мухлисларга эга жамоа эканлигига гувоҳ бўлдим. Улар турнир жадвалида юқори ўринларни эгаллашга муносибдир. Умид қиламанки, жамоа мавсумни яхши якунлайди. Футболчиларнинг салоҳияти юқори. 

- Балки футболчилар руҳий "чуқурлик"дан чиқа олмаётгандир...

- Қайсидир маънода тўғри. Лекин футболда мағлубиятлар бор нарса. Муҳими ўриндан қайта тура олиш.

-  "Динамо"да кутилганидек ўйнай олмадингиз...

- Албатта ўз ўйинимдан қониқмадим.  Чунки кўпроғига қодирман. Афсусдаман. Лекин бу -  футбол.  Нима ҳам дердим. Жамоадан яхши хотиралар қолди.  Ёмон кунларни эса тезроқ унутаман, деб ўйлайман.  

- Кейинги режаларингиз қандай?

- Ҳозирда оилам даврасида бўлмоқчиман.  Икки кун олдин қиз фарзандлик бўлдим. Индивидуал шуғулланишда давом этаман.  Ёзда таклифларни кўриб чиқишга тайёрман. Келажакда яна Ўзбекистонда кўришишимизга ишонаман. 

Абдулазиз Искандаров суҳбатлашди

Рейтинг: +4   

Фикрлар

championat.asia
< сўнгги янгиликларни кўриш
Яндекс.Метрика