UZ

Сўнгги янгиликлар

00:52Италиялик жаҳон чемпиони Қозоғистонга ташриф буюрди  0 00:35Роналдунинг либосини кийган таниқли блогер Мессига алоқадор ресторандан ҳайдаб юборилди  3 00:18Вадим Абрамов: Самарқанд — иккинчи пойтахт. Шундай экан, бу ерда яхши жамоа бўлиши керак"  3 23:37БАА футбол федерацияси ёшини сохталаштирган 18 нафар мисрлик футболчини депортация қилди  1 23:10Веско Стешивич: "Биринчи бўлимда яна битта гол урганимизда, ғалаба бизники бўларди"  0 22:40Мексикадаги матбуот анжуманида бутун жамоа иштирок этиб, мухлислардан узр сўради  0 22:23Клублар миқёсида халқаро турнирларда энг кўп “қуруқ” ўйин ўтказган дарвозабонлар маълум бўлди  0 22:06Роналду Саудия Арабистони чемпионатидаги энг омадсиз ҳужумчи бўлиб турибди  26 21:49Уругвай термаси техник ҳамкорсиз қолди, жамоа брендсиз либосларда ўйнамоқда  2 21:26Суперлига. "Динамо" — "Металлург" 2:1. Highlights  0 21:07"Бухоро" ва "Хоразм" ўртасидаги марказий учрашувдан ГАЛЕРЕЯ  2 20:57Футзал. Ўзбекистон иккинчи ўйинда Қирғиз Республикасини мағлуб этди  0 20:56Суперлига. "Динамо" "Металлург" устидан мавсумдаги илк ғалабасини қўлга киритди  24 20:32Дунёнинг етакчи лигалари ФИФАни судга бермоқчи  4 20:15"Локомотив" "SWM Motors" билан ҳамкорлик шартномаси имзолади  1

Бугун Италиядаги марказий тўқнашувни ўтказиб юборманг Янгиликлар

Бугун Италиядаги марказий тўқнашувни ўтказиб юборманг

Бугун Италия А Сериясида 6-турга старт берилади.

Тур марказий учрашув билан бошланади. "Сан Сиро" стадионида "Интер" жамоаси "Фиорентина"ни қабул қилади.

Мезбонлар бу ўйинга фантастик кайфиятда етиб келишди десак хато бўлмайди. "Интер" ўтган ҳафта ЕЧЛ 1-тури доирасида "Тоттенхэм"га қарши баҳсда 90+2 дақиқада гол уриб ғалабани илиб кетган бўлса, дам олиш кунлари А Серия 5-тури доирасида "Сампдория" билан беллашувда 90+3 дақиқада Марсело Брозович киритган гол эвазига 3 очкога эга бўлди. Лекин, "Сампдория"га қарши учрашувда киритилган голни нишонлашда ҳаддан ташқари эҳтиросларга берилиб кетган миланликлар бош мураббийи Лучано Спаллетти битта ўйинга дисквалификация қилинган. Демак, у бугун тунда жамоасини чизиқ ёнида бошқариб тура олмайди. Кўрамиз, "кўк-қоралар" устозларисиз мураккаб рақибни енга олишадими?



"Фиорентина" айни пайтда "Интер"дан кўра томошабоп футбол ўйнамоқда. Стефано Пиоли бошчилигидаги флоренцияликлар А Сериядаги энг ёш жамоа ҳисобланишади. Ёш таркибни ҳужумкор ўйнатаётган мураббийдан бугун ҳам одатий ўйинни кутсак бўлади. Жамоа жорий мавсум "Сассуоло"дан кейин "Ювентус" билан бирга энг кўп гол урган клуб бўлиб туришибди. Меҳмонларнинг қувноқ ўйини мухлисларни ўзига тортмоқда. Тўғри, жамоа ҳозирга келиб жиддий рақиблардан фақат биттаси билан учрашди ва унда ҳам мағлуб бўлди ("Наполи"га 4-турда). Муҳими эса бу жамоанинг ўйинларини кузатиш қизиқ бўлмоқда. Айниқса, жамоанинг ҳужумдаги учлиги Кьеза-Симеоне-Пьяца сермаҳсуллик борасида ўзларини кўрсатишмоқда. Шунингдек, гол уриш борасида Марко Бенасси ҳам ўзини эслатиб қўймоқда.



Хуллас, бугун футбол мухлисларини 23:59дан бошлаб "Интер" - "Фиорентина" беллашувини томоша қилишга чорлаб қоламиз. Кетган вақтингизга ачинмайсиз.

Қизиқарли фактлар:

- "Интер" барча мусобақалар доирасида "Фиорентина"га қарши ўз уйида ўтказган охирги 17та учрашувдан 15тасида ғалаба қозонган;
- Бу жамоалар "Сан Сиро"да сўнгги маротаба 1996 йилнинг ноябрь ойида дуранг ўйнашган. Ўшанда 2:2 ҳисоби қайд этилган;
- Ўтган мавсум бу жамоаларнинг Миланда ўтган баҳсида "нерадзуррилар" 3:0 ҳисобида устун келишган.


А Серия, 6-тур
25.09.2018, 23:59
"Сан Сиро", Милан
"Интер" - "Фиорентина"
Бош ҳакам:
Паоло Сильвио Маццолени

Тахминий таркиблар:

"Интер":
Ханданович – Д’Амброзио, Шкриньяр, де Врей, Асамоа – Весино, Брозович – Кандрева, Наингголан, Перишич – Икарди.

"Фиорентина": Ляфонт – Миленкович, Песселья, Витор Хьюго, Бираги – Эдимилсон, Верету, Бенасси – Кьеза, Симеоне, Пьяца.

Ўйнамайди: Шиме Врсалько ("Интер").

"Фиорентина" форварди Федерико Кьеза ўтган турда СПАЛ дарвозасига жамоасининг учинчи голини киритганидан сўнг уни майдон четида "ballboy"лик қилаётган кичкина укаси билан нишонлади.


Италия чемпионати турнир жадвали >>>>> А Серия

Бугун намойиш этиладиган футболга оид кўрсатувлар жадвали (Спорт ТВ, Матч ТВ, Футбол ТВ)

Рейтинг: +7   

Фикрлар

championat.asia
< сўнгги янгиликларни кўриш
Яндекс.Метрика