Бразилияда “Коринтианс” мухлислари бўлган автобус ағдарилиб кетди, қурбонлар бор
20 авг 2023 19:20
Янгиликлар

Бразилияда “Коринтианс” мухлислари бўлган автобус ағдарилиб кетди, қурбонлар бор

Бразилияда “Крузейро”га қарши сафар учрашувидан қайтаётган “Коринтианс” мухлислари ўтирган автобус ағдарилиб кетди.

Сўнгги маълумотларга кўра, 8 киши ҳалок бўлган. Фожиа 20 август куни эрталаб Белу-Оризонтидаги Родовия-Фернанд-Диас автомобил йўлининг 520-километрида содир бўлган.

Гувоҳларнинг сўзларига кўра, воқеа содир бўлишидан бир неча дақиқа олдин ҳайдовчи машинада тормоз ишламаётганини айтиб бақирган.