Бразилия ҳукумати Роналдиньонинг ҳисобидан бор-йўғи 6 евро топди
06 ноя 2018 17:45
Янгиликлар

Бразилия ҳукумати Роналдиньонинг ҳисобидан бор-йўғи 6 евро топди

Бразилия терма жамоаси собиқ футболчиси Роналдиньо ўз мамлакати қонунлари билан муаммога дуч келди.

Собиқ футболчи 2015 йилда акаси Роберт де Ассис билан омбор ва балиқ ови платформаси қурилишида экологияга етказган зарири учун 2 млн евро жаримага тортилган эди. Бироқ Роналдиньо бу маблағни тўлаб бермади, шу сабабли суд унинг паспортини ҳибсга олди.

Маълумотларга кўра, Бразилия ҳукумати собиқ футболчининг банкдаги ҳисобини ўрганаётиб, Роналдиньо ҳисоб рақамида бор-йўғи 6 евро (олти евро) борлигини аниқлашди. Бразилияликнинг ҳаёти ҳисоб рақамидаги маблағга тўғри келмайди, чунки у сўнгги бир неча ҳафта давомида Осиёда реклама акцияларида иштирок этди, хатто Nike фирмаси унинг номи билан оёқ кийим ишлаб чиқаришни бошлади. Суддагиларнинг фикрича, бунинг барчаси Роналдиньога катта даромад олиб келиши керак эди.

Ҳавола :

Манба : Marca

Янгиликларни Телеграмда ўқинг!

Рейтинг: +14