UZ

Сўнгги янгиликлар

08:21Ўзбекистон U-23 ва U-21 терма жамоалари таркибида биттадан ўзгариш содир бўлди  0 08:10МЛС. "Интер Майами" иродали ғалаба қозонди. Месси гол урди, Алба 89-дақиқада ҳал қилувчи голга ассистентлик қилди  0 07:53Sofascore. Шомуродов кечаги баҳсда қандай баҳога лойиқ кўрилди?  0 07:25А Серия. "Ювентус" ва "Лацио" йирик ҳисобда мағлуб бўлди. "Интер" эса сафарда ишончли ҳисобда ғалаба қозонди  1 05:25Алиқулов расман терма жамоамизнинг март ойидаги ўйинларида ёрдам бера олмайди. Унинг ўрнига ким чақирилгани маълум  27 03:57Иван Бошкович: "Ўз мухлисларимиз қаршисида мағлуб бўлиш аламли, мен кўпроғини кутгандим"  4 03:36"Манчестер Юнайтед"нинг "Орзулар театри": "Олд Траффорд" тарихи (мутолаа учун)  1 03:20Сергей Лушан: "Ўйиннинг сўнгги қисмида фаоллашишимиз тактика билан боғлиқ ҳолат эди"  7 03:04АПЛ. "Манчестер Юнайтед" аутсайдерни йирик ҳисобда мағлуб этди  9 03:02Ла Лига. "Барселона" "Атлетико"ни даҳшатли камбэк эвазига мағлуб этди  185 01:39Педру Морейра: "Бизнинг ўйин услубимизни яхшироқ тушунадиган футболчиларга кўпроқ имконият берамиз"  7 00:31Иско АПЛга йўл олиши мумкин  5 23:48Журналист Элиас: "Бюджети 1,1 млрд евро бўлган "Реал" устози Анчелотти 72 соатлик танаффуссиз ўйиндан шикоят қилди. Бюджети 200 млн евродан кам бўлган "Бетис" ҳозиргача 11та шундай ўйин ўтказди"  18 23:33Миржалол Қосимов: "Рақибимиз баҳсни уч нафар марказий ҳимоячи билан бошлашимизни кутмаган эди"  12 23:31Англия лига кубоги. "Ньюкасл" финалда "Ливерпуль"ни мағлуб этиб, бош совринга эга чиқди  32

Ботир Раҳимов: "Жамоа учун менежер масъул саналади" Янгиликлар

Ботир Раҳимов: "Жамоа учун менежер масъул саналади"

Клуб Президентининг батафсил баёнотини эътиборингизга тақдим этамиз.
"Авваламбор, "Пахтакор" ФКнинг барча ходимлари, жамоа мухлислари ва Ўзбекистондаги барча ишқибозларни янги 2014 йил билан табриклайман.  Футболчиларга янги мавсумга тайёргарлик жараёнини яхши ўтказиб, бизни чиройли ва ҳужумкор ўйин билан хурсанд этишларини тилайман. Шу билан бирга уларнинг ўйинларини кўрганлар маънавий завқ олишсин. "Пахтакор" ва бошқа жамоалар мухлисларига сиҳат-саломатлик, севимли клублари уларга ғалабалар ёрдамида хурсандчилик улашишсин. Клубимиз учун охирги бир неча йилларда иқтидорли ёшларни тарбиялаш муҳим ўрин тутди. Бугун ишонч билан айтишим мумкинки, клубимиз сиёсати жамоа фалсафаси талабларига тўлиқ жавоб беради. Клуб инфратузилмасини яратиш ва профессионал фаолият учун шароитни муҳайё қилиш клуб менежменти олдига қўйилган асосий талаблардан бири эди.

Клуб раҳбарияти олдидаги асосий вазифалардан бири истеъдодли ёшлар таҳсил олиши мумкин бўлган футбол академиясини ташкил этиш эди. Иккинчи муҳим вазифа асосий таркибда академия тарбияланувчилари ўйнашига эришиш саналарди. Қувонарлиси, ўтган мавсумда асосий жамоа таркибида 7-8 нафар клуб академиясида таҳсил олган футболчилар майдонга тушишди. Уларнинг барчаси академияда берилган сабоқ туфайли "Пахтакор"га содиқлик руҳида тарбияланишган. Ўз жамоасини чин дилдан севган футболчигина фаолиятида катта натижаларга эриша олади. Биз юлдузларни катта трансферлар орқали йиғмаймиз. Биз бўлажак юлдузларни клубимизда тарбиялаймиз. 

Ишонаманки, футбол йўлини академиямизда бошлаган болакай учун клуб шунчаки бўш овоз бўлмайди. Унинг учун "Пахтакор" рамзи бор либосда ўйнаш муҳим саналади. Бугун жамоа тарихида энг ёш бўлган жамоа жамланган.

Йилдан-йилга ёш футболчилар ўйин сифатини яхшилашларига ишонаман ва умид қиламанки, ушбу жамоа билан клуб тарихидаги энг яхши натижаларга эришамиз. Деярли барча футболчилар турли терма жамоаларда имтиҳондан ўтиб келишмоқда, улар тез орада миллий терма жамоанинг асосини ташкил қилишади. Искандеров, Козак, Сергеев, Ҳошимов, Кримец ва Исматуллаев бош жамоада ўйнашга улгуришган.  Ташкилий-услубий ва инфратузилма билан боғлиқ масалаларни яхшилаш мақсадида клуб акциядорлари бош мураббий лавозимини бекор қилиш қарорига келишди. Унинг ўрнига клуб менежери лавозими таъсис этилади. Унинг мажбуриятларига фақат ўқув-машғулот йиғинларини назорат қилиш эмас, балки академия фаолияти, селекция ишлари, ёшлар жамоалари ва биринчи лига жамоасини назорат этиш ҳам киради.  Кўп йиллар мобайнида "Пахтакор" менежментини Самвел Бабаян бошқариб келмоқда. У клубга содиқ, унинг мотори ва юраги ҳисобланади. У деярли ҳамиша акциядорлар ва ишқибозлар олдида натижалар учун асосий жавобгар шахс бўлиб келган. Мен биламан, у ўқув-машғулот йиғинлари, таркибни аниқлаш, ёш иқтидорни топиб, унинг таркибга кириши каби муҳим қарорларни қабул қилиб келган. Клуб ва жамоа фалсафасини аниқлаб келган.

Бугунги кунда Самвел Бабаян Осиёдаги энг яхши футбол менежерларидан бири ҳисобланади. У ҳамиша ўз билимини ошириш устида ишлайди.  Футболи тараққий этган кўплаб мамлакатлардан биламиз, жамоани менежерлар бошқаради. Самвел Бабаян "Про" лицензиясига эга, инфратузилмаси ва ўқув-йиғин машғулотлари энг яхши саналган клубларда малака оширган.  Унга ва унинг шогирдларига ижобий натижаларга эришиб, мухлисларни чиройли ва мафтункор ўйин билан хурсанд этишларини тилаб қоламан"!
Рейтинг:    

Фикрлар

championat.asia
< сўнгги янгиликларни кўриш
Яндекс.Метрика