Бобур Зуҳриддинов: “Бунёдкор”дан менга таклиф бўлгани йўқ”

Бобур Зуҳриддинов “Бунёдкор”да иш бошлаши мумкин, деган хабарлар тарқалганди. Мураббийнинг ўзи ушбу хабарларни инкор этди.

“Куни кеча “Бунёдкор” академиясига қарашли майдонда “Бунёдкор” ёшлари ва “Нефтчи” жамоаси ўртасидаги учрашувни томоша қилиш учун у ерга боргандим. Лекин, Бобур Зуҳриддинов “Бунёдкор”да иш бошлаши мумкин, деган хабарни ўзим эшитмадим. “Бунёдкор” жамоасидан менга ҳеч қандай таклиф бўлгани йўқ. Устозим Сергей Лушанни машғулотларини томоша қилиб ўзим учун керакли бўлган нарсаларни ўрганиб юргандим. “Обод” жамоасида мураббий бўлишимдан олдин ҳам Сергей Лушанни машғулотларини ўрганиб юрардим. Ҳозир бўш бўлиб қолганим учун вақтдан унумли фойдаланишга ҳаракат қилиб “Бунёдкор”га бориб устозимни машғулотларини томоша қилиб ўзимга керак бўлган нарсаларни ўрганиб юрибман. Ҳозирча ҳеч қайси жамоалардан менга таклиф бўлгани йўқ. Ҳозирча келажагим ҳақида ҳеч нима дея олмайман, барчасини вақт кўрсатади. Ўзим аниқ бир тўхтамга келганим йўқ”, - дейди Бобур Зуҳриддинов.

Жаҳонгир Сотволдиев