Бобур Давлатов ўсмирлар терма жамоаси таркибида жаҳон чемпионатида иштирок эта олмайди

Машғулотларни эса “Рубин”нинг ўринбосарлар жамоаси билан ўтказмоқда. Хабарингиз бор, кузда БАА стадионларида кечадиган ўсмирлар ўртасидаги жаҳон чемпионатида Ўзбекистон U-17 ўсмирлар терма жамоаси ҳам иштирок этади. Ушбу мусобақага Дилшод Нуралиев номзодларни пухта тайёрлаб бормоқда. Олинган маълумотларга кўра, ёши U-17 ўсмирлар терма жамоасига тўғри келадиган Бобур Давлатов ушбу ЖЧ ўйинларида термамизга ёрдам бера олмайди. Боиси Давлатов ёдингизда бўлса, 2011 йили Мексикада ўтган ўсмирлар терма жамоамиз таркибида ҳам иштирок этганди. ФИФА регламентига кўра, ўсмирлар ўртасидаги жаҳон чемпионатида битта футболчининг кетма-кет икки маротаба иштирок этишига рухсат йўқ.

Шу боис эндиликда Бобур Давлатов 1995 йилда туғилган футболчилар иштирокида тузилган U-19 ёшлар терма жамоаси ва ундан катта ёшдаги терма жамоалардагина ўйнай олиши мумкин. Эслатиб ўтамиз, U-19 ёшлар терма жамоасига Алексей Евстафеев устозлик қилмоқда.

Исломбек Рустамбеков