Бобир Давлатов "Рубин" билан бронза медалини қўлга киритди

Ёшлар лигасининг сўнгги тур ўйинлари бўлиб ўтди. "Рубин" сафарда "Уфа"га қарши баҳсни ўтказди ва бунда 3:1 ҳисобида қозонликлар ғалабани қўлга киритди. Ушбу мавсумда 15 та ғалаба, 6 та дуранг, 9 та мағлубият натижасини қайд этган "Рубин" ўз тарихида биринчи марта ёшлар лигаси доирасида медалга эга бўлди. Бу ғалаба "Рубин" ёшларига кичик бронза медалларини тақдим этди. 51 очко тўплаган ҳолда , Москванинг "Спартак" ва "Динамо"сидан сўнг учинчи бўлди.

"Рубин" ёшлари сафида ҳамюртимиз Бобур Давлатов ҳам ҳаракат қилишидан хабарингиз бор. Футболчи жамоанинг медал қўлга киритишида муносиб ҳисса қўшди. Давлатов жамоаси билан бирга Россия чемпионатини кичик бронза медалларини қўлга киритди.