"Реал" ҳужумчиси Бензема Франция учун Қатарда бўлиб ўтаётган Жаҳон чемпионати майдонга қайтишга яқин турибди. У деярли тузалиб кетганга ўхшайди, дейилади манбанинг хабарида.
Футболчининг жароҳатдан тузалиш жараёни анча тез ўтмоқда. Мадрид клуби футболчининг 1 декабрда таркибнинг бошқа аъзолари билан бирга машғулотларда қатнашишини инкор этмади. У Мадридда ўйнай олса, Франция учун ҳам майдонга тушиши мумкин.
Бензема айни пайтда Қатарда бўлмаса-да, рўйхатга олинган 26 нафар футболчиларнинг ичида бўлгани учун Дидье Дешам гуруҳ босқичидан кейинги ўйинларга уни чақириб олиши мумкин. Агар у қайтмаса ва Франция кетма-кет иккинчи марта Жаҳон чемпиони унвонини қўлга киритса, Карим Бенземага ҳам медаль берилади.
