Бьелса: “50 та гол ўтказиб юборганмиз. Бу мени безовта қилмайди деб ўйлайсизми?”

Eldor Akmurzayev
21 фев 2022, 09:00
АПЛ 26-турида МЮга учралган мағлубият (2:4)дан кейин “Лидс” устози Марсело Бьелса ўз фикрлари билан бўлишди.

“1-таймни яхши бошладик, аммо гол уролмадик. Баъзи нуқталарда концентрацияни йўқотдик, улар эса гол уришди.

Қайтдик, кейин ҳисобни 3:2 кўринишга келтиришимиз мумкин эди. Учрашувда бурилиш ясашга уринганимизда яхшироқ ўйнадик. Кейин эса улар натижани ушлашга ҳаракат қилди ва барчаси такрорланди.

Яхшироқ ҳимояланишимиз керак. Бизда Филлипс йўқ, Кох Стрёйкка алмаштирилди. Бундай ҳолатда тўпни қайтариб олишда муаммолар юзага келди.

Хавотирланмаслик қийин. 50 та гол ўтказиб юбордик. Бу мени ташвишлантирмайди деб ўйлайсизми? Қандай қилиб маъсулиятни ҳис қила олмаслигим мумкин?”, деган мутахассис.

Ўхшаш янгиликлар

Eldor AkmurzayevМуаллиф
Манба: football24.ru