UZ

Сўнгги янгиликлар

14:20Месси туғилган кунини нишонлади, Араухо уйланди, ПСЖда "ойлик чиқди". Футбол юлдузлари ҳафтани қандай ўтказди?  0 14:10Котрина Кулбите: "Муносиб ўйин кўрсатиб, Осиё кубоги йўлланмасини қўлга киритишни мақсад қилганмиз"  0 13:54"Динамо" бир киши кам бўлиб "Қўқон-1912"ни ютган учрашувдан галерея  2 13:28Гвардиола Грилишнинг кам ўйнаётгани сабабини айтди  0 12:56Милан Митрович: “Футбол ҳаётга ўхшайди — ҳамма нарса режадагидек кетавермайди”  0 12:50Симоне Инзаги: "Пеп Гвардиола - энг зўри"  2 12:22Исломбек Исмоилов: "Нефтчи"га вилоят ҳокимининг таклифи билан келдим"  8 12:12Рафинья Нико Уильямс ҳақида: "Юқори сифатли футболчи"  1 11:44"Астон Вилла" "Челси" ва "Арсенал" қизиқаётган футболчиси учун 100 млн фунт талаб қилмоқда  0 11:16"CAFA Nations Cup" мусобақасида 8 терма жамоа иштирок этади  6 10:50Винисиуснинг талаблари маълум. Унинг талабларини “Реал“ қабул қилишга тайёр эмас  10 10:20“Рома“ ҳужумчисига Россиядан таклиф бор  0 09:51“Ньюкасл“ Жанубий Корея терма жамоаси аъзоси билан шартнома тузмоқчи  0 09:22“Бавария“га “Ливерпул“нинг икки нафар футболчиси керак  1 08:52Пролига. Бугун Тошкент дербиси бўлиб ўтади  1

Бекзод Толибов блоги. "Нефтчи" мураббийлар штабида ўзгариш бор Янгиликлар

Бекзод Толибов блоги. "Нефтчи" мураббийлар штабида ўзгариш бор

Шу кунларда "Нефтчи" бош мураббийи Илҳом Мўминжоновнинг ҳам истеъфоси ҳақида ҳам гап-сўзлар кўп айланаяпти.

3 йиллик танаффусдан сўнг жамоани яна Суперлигага қайтарган ушбу мутахассиснинг юқори лигадаги натижалари чиндан ҳам кўнгилдагидек эмас. 8 та тур, 1 ғалаба, 2 дуранг, 5 мағлубият. "Нефтчи" ҳозирда жами 5 очко жамғарган ва тўплар нисбатига кўра мусобақа жадвалининг сўнги поғонасини эгаллаб турибди.

Айтишларича, "Нефтчи" мураббийлар штабида ўзгариш юз берган. Ҳозирга қадар жамоада Илҳом Мўминжоновга яқиндан ёрдам бериб келган мураббий Владимир Андреев клуб билан хайрлашган. Бунга қониқарсиз натижалар сабаб бўлганми, ёки бошқа бирон гап борми, буниси бизга қоронғу. Айни вақтда жамоада унинг ўрни ким билан тўлдирилган, бундан ҳам хабаримиз йўқ.

"Нефтчи"нинг "Олимпик" билан ўйин олдидан сўнги расмий расмий машғулотини стадиондан кузатдим. Қизиқ жиҳати, жамоа бош мураббийи Илҳом Мўминжонов машғулот давомида футболчилар билан тенгма-тенг ишлади. Одатда футбол клубларида машғулотлар ёрдамчи мураббийлар томонидан амалга оширилар эди, бош мураббий эса вазиятни четдан кузатиб турарди. Илҳом Мўминжоновнинг машғулотларда ўзи ишлаши балки ёрдамчи мураббий Владимир Андреев жамоани тарк этгани боғлиқ бўлиши ҳам мумкин.

Мўминжонов "Олимпик" билан ўйин якунида ўтказилган матбуот анжуманида бежизга "Ўтган мавсум осмонда эдик, бу йил пастда юрибмиз" дея таъкидламади. Чунки, ўтган йили Про-лигада ижобий натижалар туфайли мухлислар бош мураббийни олқишлаётганди, бу йил эса акси бўлаяпти. Мухлисларни ҳам тўғри тушуниш лозим, уларга натижа керак, ғалаба зарур. Ҳархолда "Нефтчи" 5 карра Ўзбекистон чемпионлигини қўлга киритган шонли клуб эканини сизу-биз яхши биламиз. Клуб раҳбариятининг шу кунларда бош мураббийни алмаштириш режаси бўлса, унда жамоага таклиф этиладиган мураббий Илҳом Мўминжоновдан бир бош устун бўлиши лозим. Гоҳ у клубда, гоҳ бу жамоада пайдо бўладиган навбатчи мураббийларнинг бренди юқори бўлган Фарғона жамоасига келиши ярашмайди. Ёки Мўминжоновнинг ўзига имкон бериб кўриш керакдир, балки жамоа ўз ўйинини топиб олса, натижалар яхши бўлиб кетар.

Очиғи, кеча истеъфоси эълон қилинган Шуҳрат Мақсудовга ва натижа кўрсатаман деб машғулотларда футболчилар билан тенгма-тенг ишлаётган Илҳом Мўминжоновларга ачиниб кетаяпман. Начора, мураббийликнинг қисмати шундай, футболда хатто Жозе Моуринью ҳам истеъфога чиқиши мумкин.

Бекзод Толибов

Рейтинг: +6   

Фикрлар

championat.asia
< сўнгги янгиликларни кўриш
Яндекс.Метрика