Бахтиёр Саттаров: "Самарқанд аҳлини ғалаба билан табриклайман"

Бугун яхши учрашув ўтказдик. Самарқандлик футбол мухлисларини ғалаба билан табриклайман. Бугунги ғалаба бизга жуда зарур эди. Ўтган турда ўз майдонимизда кутилмаганда “Лабса” жамоасига мағлубиятга учрагандик. Рақиб майдонига узоқ йўл босиб келиб, ғалаба қозониб кетаяпмиз, бу жуда ёқимли. Бугунги учрашувда қўлга киритилган ғалабамизнинг асосий омили – яратилган вазиятлардан жамоамиз футболчилари унумли фойдаланишганлиги бўлди деб айтиш мумкин.  

Учинчи даврада Фарғонага иккинчи бор келишмиз, дастлаб “Ёзёвон-Лочинлари” жамоаси билан ўйнадик, ғалаба қозондик. Бугун мана “Ифтихор” жамоаси билан ўйнадик. “Ифтихор” жамоаси таркиби аввалгисидан кўра ёшартирилибди, бугун уларнинг мағлуб бўлишига мана шу сабаб бўлди шекилли.

Бизда бугун ғалабага бўлган иштиёқ жуда кучли эди. Юқорида айтганимдек, ўтган турдаги мағлубиятимиздан кейин бугун ғалаба қозонишимиз шарт эди. Яна бир бор барча жамоамиз аъзоларини, мухлисларимизни, Самарқанд аҳлини ғалаба билан табриклайман.


Бекзод Толибов ёзиб олди.