Бахтиёр Бобоев: “Ал-Жайиш” билан баҳсда ижобий натижага умид қиламиз”

Маросимда “плей-офф”да куч синашадиган жуфтликлар номлари ҳам эълон қилинди. Унга кўра, “Бунёдкор” гуруҳ босқичига йўлланма олиш учун 7 февраль куни Қатарнинг “Ал-Жайиш” клуби билан сафарда куч синашади.

Қуръа маросимидан сўнг “Бунёдкор” ФК бош директори Бахтиёр Бобоевнинг фикрлари билан қизиқдик.

- “Ал-Жайиш” бизга яхши таниш. Жамоа таркибида бизнинг тарбияланувчимиз Сардор Рашидов тўп тепмоқда. Шу боисдан ҳам “Ал-Жайиш” ўйинларини мунтазам кузатиб борамиз. Қатарликларга қарши аввал ҳам тўқнаш келганмиз. Рақиб кучли, шу боисдан ҳам ўз чемпионатида пешқадамлик қилмоқда. “Бунёдкор”да ҳам халқаро тажрибалир йилдан-йилга ортиб бораётган, шижоати кучли бўлган ёшлар ҳаракат қилишмоқда. Бундан аввалги иккита мавсумда ҳам “Бунёдкор” курашга “плей-офф”дан қўшилиб, гуруҳ босқичи йўлланмасини қўлга киритган эди. Одимизда турган ушбу баҳсга муносиб тайёргарлик олиб борамиз. Умид қиламанки, гуруҳ босичида иштирок этиш анъанамизни давом эттирган ҳолда аввалги мавсумлардагидан яхшироқ натижа кўрсатишга ҳаракат қиламиз, - дейди Бахтиёр Бобоев.