UZ

Сўнгги янгиликлар

00:26Манише Феликс ҳақида: "Футбол лойиҳаси бўлиб қолди. Шундай клубларда имкониятлар, аммо у ишлашни хоҳламайди"  0 00:06"Интер" ва Нкункунинг агентлари трансфер шартларини муҳокама қилишмоқда  0 23:41Иван Бошкович: "Бугун нимадир ўхшамади"  0 23:14Суперлига. Пенальтидан тўп киритилмаган ва гол ҳисобга олинмаган ўйинда "Динамо" "Навбаҳор" билан жанговар дурангга имзо чекди  109 23:05Рўзиқул Бердиев: "Қарши ҳужум режасини туздик ва бу ўз мевасини берди"  5 22:50Виталий Левченко: "Катта устунликка эришиб якунда мағлуб бўлиш жуда аламли"  12 22:17Илёс Зейтуллаев: "Стадиондаги муҳит учун мухлисларга раҳмат айтаман"  4 22:00Суперлига. "Сўғдиёна" иккита гол урган ўйинда "Насаф" ғалаба қозонди  34 21:43Таҳлил. Бугун Фарғонада "Нефтчи" эмас Левченко ютқазди, Зейтуллаевга 5 баҳо  16 21:39"Челси" форварди АПЛнинг бошқа клубига ўтишга яқин  1 20:56Суперлига. "Бунёдкор" Фарғонада "Нефтчи"ни мағлуб этди  76 20:20"Барселона" Рэшфордни рўйхатдан ўтказиш учун кимни сотиши мумкинлиги маълум бўлди  12 19:31Нуньес эндиликда "Милан"нинг ҳужумчи позицияси учун асосий номзодидир  1 18:50Расман: Рамсдейл янги клуб билан шартнома имзолади  0 18:34Эдерсон янги клуб билан келишувга эришди  1

Бахтиёр Ашурматов: "Бугун бизнинг кунимиз эмас экан" Янгиликлар

Бахтиёр Ашурматов: "Бугун бизнинг кунимиз эмас экан"

Суперлига 22-турдан ўрин олган "Насаф" - "Қўқон-1912"(1:0) учрашувидан сўнг меҳмонлар бош мураббийи Бахтиёр Ашурматов фикрлари билан ўртоқлашди.




"Бугун ғалаба қозонсак, учинчи ўринни олиш учун яхши имкониятга эга бўлардик. Йигитлар ҳам шуни ҳис қилган ҳолда майдонда борларини бериб ўйнашди. Афсуски, бугун бизнинг кунимиз эмас экан. Йигитларимиз бугунги кўрсатган ўйинларидан уялмасдан, бошларини баланд кўтарган ҳолда навбатдаги баҳсга тайёргарлик кўришса бўлаверади.. “Насаф” айрим вазиятларда тезкорлиги билан ажралиб турган бўлиши мумкин. Лекин вазиятлар яратишда ва жангаворликда рақибга ютказганимиз йўқ. Футболчиларимиз ҳам рақибга муносиб қаршилик кўрсатишди. Бугунги ғалаба “Аждарлар” учун иккинчи ўринни олишда жуда қўл келади. Рўзиқул Бердиев ёш ва шижоатли жамоани шакллантира олган. “Насаф”ни бугунги ғалаба билан табриклаймиз.Чемпионатнинг кумуш медалини олишда "Насаф"га омад тилайман", - дейди Бахтиёр Ашурматов. 

- "Қўқон-1912" бугун ҳар йилгидандан ўзининг услубини ва тактикасини намойиш қилди. Бу йилги мавсумда кўзланган режалар қандай?
- Биздан “Насаф” чуқур ҳимоявий ўйин кутган бўлиши мумкин. Шуни билган ҳолда ҳужумкор ўйин намойиш этишга ҳаракат қилдик. Бугунги баҳсда Мурод Холмуҳаммедов пенальтидан гол ура олмади. Бу футболда бўладиган ҳолат. Кўп нарса бугунги беллашувга ҳам боғлиқ эди. Энди иккинчи ўриндаги жамоа билан орамиздаги фарқ саккиз очкога этди. Шундай бўлса-да, режамиз ўзгаргани йўқ. Қолган тўртта учрашувни ҳам юқори даражада ўтказишни мақсад қилганмиз. Охиригача ўзимизни кўрсатиш барча учрашувда керакли очколарни олиш. Мақсадимиз иложи борича чемпионатни юқори ўринда якунлаш. Қолган тўртта ўйинда иложи борича ўзимизга керакли бўлган очколарни жамғаришга ҳаракат қиламиз.

- Кейинги турларнинг нейтрал майдонда ўтишига қандай муносабат билдирасиз?
- Чемпионатнинг қолган қисмини марказлашган ҳолда ўтказиш борасида кўп муҳокама бўлмоқда. Тўғри марказлашган холда чемпионат давом эттирилса мухлислар бундан ютказади.Лекин ўшанда барча мураббийлар биринчи давра ва иккинчи давранинг сўнгги тўртта учрашувини марказлашган ҳолда ўтказишга келишиб олганди.Менимча, бу қарор тўғри деб биламан.

- Бугун Суҳроб Бердиевнинг ўрнида Сардор Азимов ҳаракат қилди. Иккинчи бўлимда қанотларни тўлиқ алмаштирдингиз. Бу қанотдаги ҳаракатлардан қониқмаганингизни билдирадими?
- Бугун таркибимиздаги йўқотишлар тўғрисида гапирмоқчи эмасдим. Бугун ҳар икки жамоа ҳам 11 нафардан футболчи билан майдонга тушди. Лекин Суҳроб Бердиев ва Шоҳназар Норбековларнинг ўрни билинди. Норбековнинг тезкорлиги "Насаф" билан ўйинда бизга асқотиши аниқ эди.Тўғри бизда имконият бор. Лекин медаллар учун курашиш йўлида мухим бўлган 3 очкони қўлдан бой бердик.Бу мағлубиятдан кейин медаллар учун курашишда имкониятимиз пасайиб кетди.Бугун ўнг қанотда ўйнаган Сардор Азимов ва Аваз Маматхўжаевлар ҳам юқори даражада ўйин намойиш этишди. Тўғри биз гол ўтказворганимиздан сўнг катта таваккал қилдик. Учта химоячи билан ўйнадик. “Насаф” қарши ҳужумда иккинчи голни уриши ҳам мумкин эди. Музаффаров ва Бамбанинг тушиши ўйинимизни кучайтирди. Аммо мезбонлар посбони бугун яхши ўйнади ва биз ҳисобни тенглаштира олмадик. "Насаф" дарвозабони жуда яхши ўйин кўрсатди.

Рейтинг: +12   

Фикрлар

championat.asia
< сўнгги янгиликларни кўриш
Яндекс.Метрика