"Бавария" "Жирона" ярим ҳимоячиси Виктор Циганковни сотиб олиш имкониятини жиддий ўрганмоқда, деб хабар берди "Bild". Мюнхен клуби скаутлари украиналик футболчи иштирокидаги ўйинларга келган. "Бавария"ни Виктор Циганковнинг кўп қирралилиги ўзига тортмоқда, у вингер сифатида икки қанотда ҳам, шунингдек, ҳужумкор ярим ҳимоячи сифатида ҳам ўйнашга қодир.
"Жирона" украиналик футболчини январь ойида 5 миллион евро эвазига сотиб олганди. Каталонияликлар у орқали катта пул ишлаб олишмоқчи. "Жирона" Виктор Циганков учун "Бавария"дан камида 30 миллион евро талаб қилади. Нюанс шундаки, уни сотишдан тушган пулнинг ярми Киевнинг "Динамо"сига тегади. Бундай шартлар "Жирона" Украина клубидан Циганковни сотиб олганида белгилаб қўйилган эди.
