"Бавария" футболчиси учун 4 та клуб даъвогарлик қилмоқда

"Реал", "Барселона", "Манчестер Сити" ва "Манчестер Юнайтед" "Бавария" футболчиларидан бири учун курашмоқда. Бундеслига клуби шартномани якунлашга тайёр.

Мюнхенликлар бош мураббийи Томас Тухель жамоада бир эмас, икки янги ҳужумчини кўришни истайди.

Бундан ташқари, Бенжамен Паварнинг "Бавария" билан хайрлашаётгани ҳақида аломатлар бор. Франциялик футболчи клуб билан янги шартнома имзолашни истамаяпти ва унинг амалдаги шартномаси 2024 йилнинг июнида якунига этади.

"Бавария"да ҳимоячини сотиш орқали яхши пул ишлаш учун охирги имконият бўлиши мумкин. "Sky Sport Deutschland" мухбири Флориан Плеттенбергнинг хабар беришича, бу борада якуний қарор аллақачон қабул қилинган.

Агар клубга 30-40 миллион евролик таклиф келиб тушса, ҳимоячи муҳитни ўзгартиришга рози.