"Бавария" "Челси" ярим ҳимоячисини нишонга олди

"Бавария" "Челси" ярим ҳимоячиси Матео Ковачични сафига қўшиб олмоқчи, дея хабар берди "Bild". Мюнхенликлар бош мураббийи Томас Тухель хорватиялик футболчининг трансферини талаб қилмоқда. У Ковачични "Челси"даги биргаликдаги ва муваффақиятли (2021 йилда Чемпионлар Лигасини ютган) ишидан яхши билади.

Шу билан бирга, "кўклар" музокаралар борасида футболчига ҳам, "Бавария"га ҳам тўсқинлик қилмайди. Ковачичнинг "Челси" билан шартномаси 2023/2024 йилги мавсум охиригача амал қилади. Яъни, келаётган ёз лондонликлар учун хорватиялик ўйинчини муносиб миқдорда сотиш учун сўнгги имкониятдир.