"Барселона"нинг қарзи сабаб де Йонгнинг МЮга трансфери кечикмоқда
07 июл 08:17
Янгиликлар

"Барселона"нинг қарзи сабаб де Йонгнинг МЮга трансфери кечикмоқда

Франки де Йонг нима учун ҳалиям МЮга ўтмагани маълум бўлди.

Ўтган ҳафта МЮ ва "Барса" футболчининг трансфери бўйича 65+25 млн евролик келишувга эришгандилар.

Маълум бўлишича, "Барселона" нидерландиялик 25 ёшли футболчи олдида қарз бўлгани учун ушбу трансфер кечикмоқда.

Пандемия вақтида де Йонг тўловларнинг кечикишига рози бўлганди.

Маълум бўлишича, клубнинг футболчидан маош бўйича 16 миллион қарзи бор. Шунингдек де Йонг икки мавсумдаги 60 фоиздан кўп ўйинда майдонга тушгани учун қўшимча 4 миллион евро бонус олиши лозим.

Умумий ҳисобда "Барселона" футболчидан 20 миллион евро қарздор ҳисобланади.

Ҳавола :

Манба : The Telegraph

Янгиликларни Телеграмда ўқинг!

Рейтинг: -4