Учрашувнинг 31-дақиқасида Пике тўпни дарвозабон Нетога ноқулай тарзда оширди ва мезбонлар ҳужумчиси Луис Риоха дарвозабонни хато қилишга мажбур қилиб, ҳисоби очди. Каталонияликлар 64-дақиқада Антуан Гризманнинг голидан кейин мувозанатни тиклашди.
Шу тариқа кўк-анорранглилар Испания чемпионатининг олти турида 8 очко жамғариб, 12-поғонадан жой олишди. Бу “Барселона”нинг Ла Лигада сўнгги 18 йилдаги энг ёмон старти сифатида қайд этилди. 2002 йилги мавсумда ҳам “Барса” Ван Гал қўли остида олти учрашувда 8 очко тўплаганди.
