"Барселона" Бельгия термаси ярим ҳимоячисини фаол равишда кузатишда давом этмоқда
04 ноя 2022 13:45
Янгиликлар

"Барселона" Бельгия термаси ярим ҳимоячисини фаол равишда кузатишда давом этмоқда

"Лестер" ярим ҳимоячиси Юри Тилеманс ҳамон "Барселона"нинг трансфер қизиқишлари рўйхатида.

Бельгиялик футболчининг "Барселона"га ўтиши ҳақидаги миш-мишлар октябрь ойида фаол ёритилганди. "Sport" нашрининг ёзишича, каталонияликларнинг қизиқиши ҳозир ҳам анча жиддий. Тилеманснинг ўйини "кўк-анорранглилар" скаутларида катта таассурот қолдирди, шунинг учун трансфер эҳтимоли юқори.

25 ёшли футболчига Лондоннинг "Арсенал" клуби ҳам даъвогарлик қилмоқда.

Юри Тилеманснинг "Лестер" билан амалдаги шартномаси 2023 йилнинг июнида тугайди ва бу унга мавсум охирида клубни эркин агент сифатида тарк этиш имконини беради. Transfermarkt хавбекнинг трансфер қийматини 40 миллион еврога баҳолаяпти.

Ҳавола :

Манба : Sport.es

Янгиликларни Телеграмда ўқинг!

Рейтинг: +2