

Championat.asia сайти турнинг энг яхшиларини аниқлади.
Тур мураббийи — Зайниддин Тожиев (“Ғазалкент”)
Ортда қолган турда "Ғазалкент" Бекободда "Шўртан" устидан муҳим ғалабани қўлга киритди (2:1). Мазмунли ва ишончли ўйин намойиш этган жамоанинг бош мураббийи эса ҳақли равишда тур мураббийи деб топилди.

Тур футболчиси — Равшан Абдуманнонов (“Олимпик-MobiUz”)
"Олимпик-MobiUz" бу турда ўз майдонида "Яйпан"ни қабул қилиб, 4:2 ҳисобида ғалаба қозонди. Championat.asia сайти учрашувда жамоасининг биринчи ва тўртинчи голларига муаллифлик қилиб, дублни расмийлаштирган ярим ҳимоячи Равшан Абдуманноновни тур футболчиси дея эътироф этди.

Тур дарвозабони — Моҳир Комилов (“Металлург”)
"Металлург" меҳмонда "ФарДУ" устидан 1:0 ҳисобида ғалаба қозонди. Баҳс давомида жамоасини муқаррар голлардан қутқариб, "қуруқ" ўйин ўтказган бекободликлар посбони турнинг энг яхши дарвозабони сифатида эътироф этилди.

Тур голи — Музаффар Мўминов (“Яйпан”)
"Олимпик-MobiUz" билан баҳснинг 49-дақиқасида "Яйпан" ярим ҳимоячиси Музаффар Мўминов жарима майдони ташқарисидан чап оёғи билан дарвоза тўрини аниқ нишонга олди ва мувозанатни тиклади. Бу супер гол якунда турнинг энг чиройли голи сифатида эътироф этилди.




