Katalon klubi matbuot xizmati Bartomeu direktorlar kengashi bilan birga iste'foga chiqayotganini tasdiqladi. Kecha o'tkazilgan matbuot-anjumani paytida Bartomeu iste'foga chiqmasligini aytgan edi.
Takidlanishicha, tegishli qaror "Barsa" rahbarlarining bugungi uchrashuvidan keyin qabul qilingan.
Bartomeu so'nggi yillarda klubdagi faoliyati uchun muntazam tanqid qilinayotgan edi. Xususan, yozda "Barselona"ni tark etmoqchi bo'lgan jamoa sardori Lionel Messi ham bir necha bor Bartomeuning ishidan noroziligini bildirdi.
