"Барса" ёзда Кунде, Кристенсен ва бошқа ҳимоячилар билан шартнома имзоламоқчи

"Барселона" клуби ёзда уч-тўрт нафар ҳимоячи билан шартнома тузади. Бу бош мураббий Хавининг асосий мақсади ҳисобланади.

Клуб Мингеса, Умтити ва Лангле каби ҳимоячилардан қутилмоқчи. Улар захирадан туриб ўйинга қўшилишлари мумкин. Аммо мураббий асосий ҳимоя чизиғини бошқа ўйинчилар билан қурмоқчи. 

Айни дамда "Барселона" спорт бўлими "Челси" ҳимоячиси Кристенсен ва "Севилья" вакили Жюль Кунде билан шартнома тузиш борасида иш олиб бормоқда. "Юве" ҳимоячиси Маттейс де Лигт билан эса юқори маош сабаб келишувга эришиш қийин бўлади. Бундан ташқари, "Барса" Сесар Аспиликуетани ҳам катта эҳтимол ўз таркибига қўшиб олади. "Валенсия" ҳимоячиси Хосе Гайя ҳам каталонияликлар қизиқишлари доирасида бўлиб турибди.